વિરમગામથી હાર્દિક પટેલની જીત, જાણો કેટલા મત મળ્યા?
ગુજરાતમાં બીજેપી ધમાકેદાર જીત મેળવી રહી છે ત્યારે હવે બીજેપીની ટિકિટ પર વિરમગામથી મેદાનમાં ઉતરેલા પાટીદાર નેતા હાર્દિક પટેલની જીતના સમાચાર મળી રહ્યા છે.હાર્દિક પટેલની વિરમગામથી જીત થઈ છે. શરૂઆતમાં પાછળ રહેલા હાર્દિક પટ
અમદાવાદ : ગુજરાતમાં બીજેપી ધમાકેદાર જીત મેળવી રહી છે ત્યારે હવે બીજેપીની ટિકિટ પર વિરમગામથી મેદાનમાં ઉતરેલા પાટીદાર નેતા હાર્દિક પટેલની જીતના સમાચાર મળી રહ્યા છે.
હાર્દિક પટેલની વિરમગામથી જીત થઈ છે. શરૂઆતમાં પાછળ રહેલા હાર્દિક પટેલે પોતાની સીટ બચાવતા જીત મેળવી લીધી છે. શરૂઆતના આંકડા જોતા લાગી રહ્યુ હતું કે હાર્દિક પટેલ સીટ નહીં બચાવી શકે. જો કે હવે તેને પોતાની સીટ બચાવી લીધી છે અને વિજેતા જાહેર થઈ ગયા છે.
બીજેપીમાં હાર્દિક પટેલની એન્ટ્રી થઈ ત્યારે કહેવાઈ રહ્યુ હતું કે, સ્થાનિક નેતાઓ બીજેપીને હરાવવા માટે મેદાનમાં હશે, પરંતુ આ વાત ખોટી સાબિત થઈ છે અને હાર્દિક પટેલની જીત થઈ છે. હાર્દિક પટેલ પાટીદાર આંદોલનનો મોટો ચહેરો હતા અને બીજેપીના સખત વિરોધી માનવામાં આવતા હતા.
અહીં એ પણ જાણવુ જરૂરી છે કે, ગુજરાતમાં બીજેપી ધમાકેદાર જીત મેળવતા 150થી વધુ સીટો મેળવી રહી છે, તો બીજી તરફ આમ આદમી પાર્ટી ખાતુ ખોલાવતા 5 આસપાસ સીટો મેળવી શકે છે.