સૌરાષ્ટ્રમાં વરસાદની હેલી : પાંચ ઇંચ ખાબક્યો, ત્રણના મોત

અમદાવાદ, 4 જૂન : આકળ વિકળ આંખકાન વરસાદ ભીંજવે, મને ભીંજવે તું તને વરસાદ ભીંજવે... સૌરાષ્ટ્રમાં વરસાદનું આગમન ગઇકાલે સોમવારે થઇ જતા રમેશ પારેખની આ પંક્તિઓ યાદ આવી જાય. ભારે ગરમીથી ત્રાહિત લોકોમાં વરસાદના આગમનથી આનંદની હેલી પ્રસરી ગઇ છે.

ગઇકાલે પોરબંદરમાં દોઢ ઇંચ વરસાદ ખાબક્યો હતો, જ્યારે કચ્છ અને વડોદરામાં ઝાપટાં પડ્યા હતા. દક્ષિણ ગુજરાતના ઉમરગામ, સેલવાસ તેમજ દાદરાનગર હવેલીમાં દોઢ કલાક સુધી ધોધમાર વરસાદ વરસ્યો હતો. આની સાથે સાથે છથી વધુ સ્થળોએ વીજળી પડવાને કારણે ત્રણ લોકોના મોત થયા છે.

જામનગરના જામજોધપૂરમાં એક કલાકમાં અઢી ઇંચ વરસાદ ખાબકતા ઠેરઠેર પાણી ભરાઇ ગયા હતા. આ ઉપરાંત જામ ખંભાળીયા અને લાલપૂરમાં સવા ઇંચ અને જામનગર, જોડીયા પંથક અને ભાણવડમાં એક ઇંચથી વધુ વરસાદ ખાબક્યો હતો.

કેરળમાં પહેલી જૂના રોજ વરસાદનું આગમન થઇ જવાના કારણે હમાન ખાતાએ એવી આગાહી કરી હતી કે આ વખતે મોનસૂન સમયસર આવ્યું છે અને તે મધ્ય ભારતમાં 15 જૂન સુધી પહોંચી જશે. પરંતુ સૌરાષ્ટ્રના વિવિધ વિસ્તારોમાં જોરદાર વરસાદ થવાના પગલે એવું લાગી રહ્યું છે કે વરસાદનું આગમન વહેલું થશે.

English summary

Heavy rain in Saurashtra region, 3 killed.Weather officials said that rains would occur at isolated places as pre-monsoon weather conditions in the region.