ભાજપની મુશ્કેલી વધી, આચારસંહિતાના ભંગ બદલ નોંધાઇ ફરિયાદ

ભાજપના ઉમેદવારના એક વાયરલ વીડિયોને કારણે સત્તાધારી પક્ષની મુસીબતો વધી છે. ભાજપના જમાલપુર-ખાડિયાના ઉમેદવાર ભૂષણ ભટ્ટનો આ વીડિયો છે, જેમાં તેઓ ચૂંટણી પંચને ગણકારતા નહીં હોવાનું સાંભળાય છે.

By Shachi

Published: Wednesday, December 13, 2017, 14:05 [IST]

ભાજપના ઉમેદવારના એક વાયરલ વીડિયોને કારણે સત્તાધારી પક્ષની મુસીબતો વધી છે. ભાજપના જમાલપુર-ખાડિયાના ઉમેદવાર ભૂષણ ભટ્ટનો આ વીડિયો છે, જેમાં તેઓ ચૂંટણી પંચને ગણકારતા નહીં હોવાનું સાંભળાય છે. સોશ્યલ મીડિયા પર તેમનો આ વીડિયો ખૂબ વાયરલ થઇ રહ્યો છે. આ વીડિયોમાં તેઓ વડાપ્રધાન નરેન્દ્ર મોદીની રિવરફ્રન્ટની સભામાં મોટી સંખ્યામાં લોકોને વાહનો અને બાઇક્સ લઇને આવવાનું કહી રહ્યાં છે અને સાથે જ ચૂંટણી પંચની એસી કી તેસી બોલતા સાંભળવા મળે છે.

સાથે જ તેઓ ટોકનમાં પેટ્રોલના રૂપિયા આપવાની લાલચ પણ આપી રહ્યાં હતા. આ વીડિયો વાયરલ થતો-થતો ચૂંટણી પંચ સુધી પહોંચ્યો છે. આ મામલે એડવોકેટ ખાન મોહમ્મદ અસદઉલ્લાએ ભૂષણ ભટ્ટ વિરુદ્ધ આચારસંહિતાના ભંગ અને મતદારોને લાલચ આપવાના આરોપ સાથે ફરિયાદ કરી છે અને તેમણેસાથે જ કાયદાકીય કાર્યવાહી કરવાની માંગ પણ કરી છે.

Published On December 13, 2017