હું મારા છેલ્લા શ્વાસ સુધી નિલેશ કુંભાણીને છોડવાનો નથી, કોંગ્રેસ નેતાએ આપી ધમકી
Surat Lok sabha Election: ગુજરાતની સુરત લોકસભા બેઠક પરથી નામાંકન રદ થયા બાદ ભૂગર્ભમાં ઉતરી ગયેલા કોંગ્રેસના ઉમેદવાર નિલેશ કુંભાણી પર કોંગ્રેસના પૂર્વ ધારાસભ્ય પ્રતાપ દુધાતે વિશ્વાસઘાતનો આરોપ લગાવીને તેમને જોઈ લેવાની ધમકી આપી છે.
બીજી તરફ નિલેશની પત્નીએ જણાવ્યું છે કે, તેના પતિને પોતાને સમજાવવા માટે સમય આપવો જોઈએ.
સુરતમાં કોંગ્રેસ દ્વારા આયોજિત કાર્યક્રમમાં પ્રતાપ દુધાતે જણાવ્યું હતું કે, કોંગ્રેસના દરેક નેતા અને કાર્યકર્તા પાર્ટીને મુશ્કેલ પરિસ્થિતિમાંથી ઉગારવાના પ્રયાસ કરી રહ્યા છે.
આવી સ્થિતિમાં સુરત લોકસભા બેઠક પરથી પક્ષના સત્તાવાર નેતાએ ભાજપ સાથે સાંઠગાંઠ કરીને કોંગ્રેસ અને તેના કાર્યકરો સાથે વિશ્વાસઘાત કર્યો છે. હું મારા છેલ્લા શ્વાસ સુધી નિલેશને છોડવાનો નથી.
ઉલ્લેખનીય છે કે, નિલેશ કુંભાણી સુરતથી કોંગ્રેસના ઉમેદવાર હતા. દરખાસ્તો પાછી ખેંચી લેતા તેમનું નામાંકન રદ કરવામાં આવ્યું હતું. આ પછી બસપા સહિત અન્ય ઉમેદવારોએ પણ પોતાના ઉમેદવારીપત્રો પાછા ખેંચી લીધા હતા. જેના કારણે અહીંથી ભાજપના ઉમેદવાર બિનહરીફ ચૂંટાયેલા જાહેર થયા હતા.
અત્રે નોંધનીય બાબત છે કે, ઇવીએમમાં નોટાનો વિકલ્પ છે. જે કારણે લોકો ચૂંટણી માટેની માંગ કરી રહ્યા છે, અને ચૂંટણી નોટા અને ભારતીય જનતા પાર્ટીના મુકેશ દલાલ ઉમેદવાર એમ બે વિકલ્પ હોવાનું કારણ આપી રહ્યા છે.
Click it and Unblock the Notifications
Sign in with Google
