ઈડરના રેવાસ પાસે ભયાનક અકસ્માત, ચાર લોકોના મોત
સાબરકાંઠાના ઈડર તાલુકા નજીક આવેલા રેવાસ પાસે ગત રાત્રિએ એક ગમખ્વાર ટ્રીપલ અકસ્માત સર્જાયો હતો. ઈકો કાર, રીક્ષા અને બુલેટ બાઈક વચ્ચે થયેલી ભીષણ ટક્કરમાં ચાર યુવાનોના કરુણ મોત થયા, જ્યારે અન્ય બે વ્યક્તિઓ ઇજાગ્રસ્ત થયા હતા.
રેવાસની સમાજવાડી નજીક બનેલી આ ઘટનામાં ત્રણ યુવાનોનું ઘટનાસ્થળે જ નિધન થયું હતું, જ્યારે એક યુવાનનું સારવાર દરમિયાન મોત થયું હતું. મૃતકોમાં ઈડરના ભોઈ વાડાના રીક્ષા ચાલકનો પણ સમાવેશ થાય છે. અકસ્માત બાદ ઈકો ચાલક પોતાનું વાહન ઘટનાસ્થળે છોડીને ફરાર થઈ ગયો હતો.
બુલેટ ચાલક સહિત ઇજાગ્રસ્તોને તાત્કાલિક ઈડર સિવિલ હોસ્પિટલ ખસેડવામાં આવ્યા હતા. અકસ્માતની જાણ થતાં પોલીસ સ્થળ પર પહોંચી અને ત્યારબાદ સિવિલ હોસ્પિટલમાં વધુ તપાસ હાથ ધરી હતી.
આ ઉપરાંત ભરૂચના ઝઘડિયા GIDCમાં પણ એક ગમખ્વાર માર્ગ અકસ્માત નોંધાયો હતો. આરતી કંપનીમાંથી કોન્ટ્રાક્ટ કામદારોને પરત લાવતી આઈસર ટેમ્પો પલટી જતાં ૩૦થી વધુ કામદારો ઘાયલ થયા છે.
બ્લેક રોઝ કંપની પાસેના વળાંક પર ટેમ્પો ચાલકે સ્ટેરીંગ પરનો કાબૂ ગુમાવતા આ દુર્ઘટના સર્જાઈ હતી. ઘાયલ થયેલા ૨૯ કામદારોને અંકલેશ્વરની ખાનગી હોસ્પિટલમાં, જ્યારે બાકીનાને ભરૂચ સિવિલ હોસ્પિટલમાં ખસેડવામાં આવ્યા છે. ત્રણ કામદારોની હાલત ગંભીર હોવાનું પ્રાથમિક તબક્કે જણાયું છે. પોલીસે આ અંગે તપાસ શરૂ કરી છે.
Click it and Unblock the Notifications
Sign in with Google
