પતંગ દોરાથી ઘાયલ પક્ષીઓને બચાવવા શરૂ કરાશે કરૂણા અભિયાન

ઉત્તરાયણ પર્વ નજીકના સમયમાં આવી રહ્યો છે, આ તહેવારને ધ્યાનમાં રાખીને પતંગની દોરીથી કોઇ અબોલ પક્ષી-પશુ ઘાયલ ન થાય તેની પૂરતી સતર્કતા સાથે 10મી જાન્યુઆરીથી 20મી જાન્યુઆરી-2022 દરમિયાન રાજ્યવ્યાપી કરૂણા અભિયાન 'જીવો અને જીવવા દો' ની જીવદયા ભાવના સાથે મુખ્યમંત્રી ભૂપેન્દ્ર પટેલની પ્રેરણા અને દિશાદર્શનમાં યોજાશે.

આ અભિયાનના દિવસો દરમિયાન સમગ્ર રાજ્યમાં દરરોજ સવારે 7 થી સાંજે 6 કલાક સુધી તમામ તાલુકાઓમાં વન વિભાગ દ્વારા કંટ્રોલ રૂમ કાર્યરત કરવામાં આવશે. ઘાયલ થતાં પક્ષીઓની ત્વરિત સારવાર વ્યવસ્થા માટે વોટ્સએપ નંબર તથા વેબસાઇટ પણ કાર્યરત કરવામાં આવ્યા છે.

Koo App

જીવો, જીવવા દો અને જીવાડોના ધ્યેયને સમર્પિત કરુણા અભિયાન : ઘાયલ પક્ષીઓની સારવાર માટે ડાયલ કરો 1962 અથવા પક્ષી સારવાર કેન્દ્રની માહિતી માટે 8320002000 પર ’Karuna’ લખી વોટ્સએપ કરો.

View attached media content

- Bhupendra Patel (@BhupendraPatel) 11 Jan 2022

આ અનુસાર વોટ્સઅપ નંબર 8320002000 પર 'Karuna´મેસેજ ટાઇપ કરવાથી અથવા વેબસાઇટ https://bit.ly.karunaabhiyan પર ક્લીક કરવાથી જીલ્લાવાર પક્ષી સારવાર કેન્દ્રોની વિગતો મળી શકશે. એટલું જ નહીં, પશુપાલન વિભાગના હેલ્પ લાઇન નંબર 1962 પર ઘાયલ પક્ષીઓની સારવાર માટે મદદ લઇ શકાશે.

આગામી ઉત્તરાયણ દરમિયાન જો કોઇ પક્ષી ઘાયલ થાય તો તેની સારવાર માટે સમગ્ર રાજ્યમાં આ વર્ષે 700થી વધુ પક્ષી નિદાન સારવાર કેન્દ્રો, 620થી વધારે તબીબો તેમજ 6,000 ઉપરાંતની સંખ્યામાં સેવાભાવી સ્વયંસેવકો સેવારત રહેવાના છે. પાછલા પાંચ વર્ષોમાં અંદાજે 50 હજારથી વધુ પક્ષીઓની કરૂણા અભિયાન અન્વયે સારવાર સુશ્રુષા કરવામાં આવી છે.

રાજ્યના મુખ્યમંત્રી ભુપેન્દ્ર પટેલે આ વર્ષે ઉત્તરાયણ તહેવારોમાં પક્ષીઓ પતંગ દોરીથી ઘાયલ ન થાય તેની તકેદારી રાખીને તહેવાર ઉજવવા સૌને અપિલ કરી છે.

English summary

Karuna Abhiyan will be started to save the injured birds from the kite string.