Accident News : અમદાવાદ-વડોદરા એક્સપ્રેસ હાઇવે પર ટ્રક પાછળ ઘુસી મિની વાન, 3 મોત

Accident News : આણંદ શહેરમાં એક દર્દનાક માર્ગ અકસ્માત સર્જાયો છે. વડોદરા-અમદાવાદ એક્સપ્રેસ વે પર સોમવારની રાત્રે એક મિની વાન ઉભી રહેલ ટ્રક સાથે અથડાઈ હતી. આ અકસ્માતમાં ત્રણ લોકોના મોત થયા હતા.

Accident News : આણંદમાં અકસ્માતમાં ગમખ્વાર અકસ્માત સર્જાયો છે. વડોદરા-અમદાવાદ એક્સપ્રેસ વે પર આજે એટલે કે સોમવારના રોજ મિની વાનની એક રસ્તા પર ઉભા ટ્રક પાછળ ઘુસી ગઇ હતી. આ અકસ્માતમાં 3 લોકોના મોત થયા છે. પોલીસે આ અકસ્માતની જાણકારી આપતા જણાવ્યું હતું કે, આ અકસ્માત મોડી રાત્રે સાડા 12 કલાકે થયો હતો.

ઘરે પરત ફરતા સમયે નડ્યો અકસ્માત

ખંભોળાજ પોલીસ સ્ટેશનના અધિકારીએ જણાવ્યું હતું કે, વાહન માલિકને વડોદરા મૂકીને વાન પર સવાર લોકો ખેડા જિલ્લાના ડાકોર શહેરમાં તેમના ઘરે પરત ફરી રહ્યા હતા. ટ્રક એક્સપ્રેસ વેની સાઈડમાં કોઈ પણ પ્રકારની બ્રેક લાઈટ કે ઈન્ડીકેટર વગર ઉભી રાખવામાં આવી હતી, જેના કારણે મીની વાનને ટ્રકની નજર ન પડી અને પાછળથી પુરપાટ ઝડપે આવતી વાન સાથે ધડાકાભેર અથડાઈ હતી.

અધિકારીએ જણાવ્યું હતું કે, જ્યારે પીડિતોમાંથી એકનું ઘટનાસ્થળે મૃત્યુ થયું હતું, જ્યારે અન્ય બેને આણંદની સરકારી હોસ્પિટલમાં લઈ જવામાં આવ્યા હતા, જ્યાં તેમને મૃત જાહેર કરવામાં આવ્યા હતા.

ટ્રક ચાલક સામે ગુનો દાખલ

પોલીસે જણાવ્યું હતું કે, અજાણ્યા ટ્રક ચાલક વિરુદ્ધ ભારતીય દંડ સંહિતાની કલમ 304A (ઉશ્કેરાઈ અથવા બેદરકારીથી મૃત્યુનું કારણ બને છે) અને 279 (ચાલક દ્વારા જીવને જોખમમાં મૂકે છે અને બેદરકારીભર્યું કૃત્ય) અને મોટર વ્હીકલ એક્ટની જોગવાઈઓ હેઠળ કેસ નોંધવામાં આવ્યો છે. ખંભોળાજ પોલીસે જણાવ્યું હતું કે, ટ્રક ચાલકને પકડવાના પ્રયાસો ચાલુ છે.

English summary

Mini van rammed into truck on Ahmedabad-Vadodara Express Highway Accident, 3 killed