મોદી મણીનગરના બદલે એલીસબ્રિજથી ચૂંટણી લડે તેવી શક્યતા

By Super

Updated: Friday, February 6, 2015, 16:43 [IST]

અમદાવાદ, 16 ઑક્ટોબરઃ છેલ્લી બે ટર્મથી મણીનગર બેઠક પરથી ચૂંટણી લડી રહેલા ગુજરાતના મુખ્યમંત્રી આ વખતની ચૂંટણીમાં એલીસબ્રીજ અથવા તો ઘાટલોડિયામાંથી ચૂંટણી લડે તેવી શક્યતાઓ સૂત્રો દ્વારા વ્યક્ત કરવામાં આવી છે. સૂત્રોની માહિતી અનુસાર મોદી સુરક્ષિત બેઠકની શોધમાં છે.

સૂત્રો પાસેથી મળેલી માહિતી અનુસાર છેલ્લી બે વિધાનસભાની બેઠકમાં નરેન્દ્ર મોદી મણીનગરની બેઠક પરથી ચૂંટણી લડતા આવ્યાં છે, જો કે આ વખતે તેઓ અન્ય સુરક્ષિત બેઠક પરથી ચૂંટણી લડવાની યોજના બનાવી રહ્યાં છે, તેમની આ યોજના પાછળ અન્ય બેઠકોના ચૂંટણી પ્રચારમાં ધ્યાન આપી શકવાની તેમની વિચારણા હોવાનું સૂત્રોનું કહેવું છે.

સૂત્રોએ જણાવ્યું છે કે નવી બેઠક માટે મોદીએ પક્ષના અન્ય સાથીઓને પોતાના માટે નવી બેઠક અંગે ધ્યાન આપવા અંગે કહ્યું છે. શહેરી વિસ્તારમાં પોતાની લોકપ્રિયતાને ધ્યાનમાં રાખીને તેઓ અમુક શહેરી વિસ્તારની બેઠકોમાં રસ દર્શાવી રહ્યાં છે. તેમજ નવા સીમાંકન બાદ સરખેજ અલગ થઇ જવાના કારણે મોદી મણીનગરના બદલે એલીસબ્રીજ અથવા ઘાટલોડિયાથી ચૂંટણી લડશે.