ટ્વિટર પર મોદીના ફોલોઅર્સની સંખ્યા 1 મિલિયન
23 ઑક્ટોબરે નવરાત્રીના છેલ્લા નોરતે અને દશેરાને એક દિવસ પહેલા ગુજરાતના મુખ્યમંત્રી નરેન્દ્ર મોદીના ટ્વિટર પરના ફોલોઅર્સનાં આંકે ઐતિહાસિક 1 મિલિયનના માર્કને વટાવી દીધો છે. મોદી આજે દેશના સૌથી લોકપ્રિય રાજ નેતા તો છે જ પણ સાથો સાથ સોશિયલ મીડિયામાં પણ તેમની લોકપ્રિયતાનો ગ્રાફ ઉંચો જઇ રહ્યો છે. જેના કારણે નેટિઝન્સમાં તેઓ 'કિંગ ઓફ સોશિયલ મીડિયા'ના હુલામણા નામે જાણીતા બન્યા છે.
આ રીતે રચ્યો ઇતિહાસ
મોદીએ 2009માં એ સમયે ટ્વિટર પર પોતાનુ એકાઉન્ટ ખોલ્યું હતું જ્યારે બહું ઓછા રાજકીય નેતાઓ ટ્વિટર પર કાર્યરત હતા. તેમણે જ્યારથી શરૂઆત કરી ત્યારથી તેમણે ટ્વિટર પર બીન વિવાદિત, અસરકારક અને માહિતીપ્રદ ટ્વિટ્સ કરી. તેથી દર વર્ષે તેમના ટ્વિટર ફોલોઅર્સની સંખ્યામાં સતત વધારો થતો રહ્યો.
2009માં તેમના ફોલોઅર્સની સંખ્યા હજારોમાં જ હતી પરંતુ વર્ષ પસાર થતા 2010માં આ આંક લાખોમાં થઇ ગયો હતો અને નવેમ્બર 2011માં તે 4 લાખના આંકને વટાવી ગયો હતો, ત્યારપછી ટ્વિટર પર પ્રસિદ્ધિ મેળવવામાં તેમણે પાછું વળીને જોયું નથી. નવેમ્બર 2011થી નવેમ્બર 2012 વચ્ચે તેમના ફોલોઅર્સ ઇતિહાસ રચ્યો, આ સમયગાળામાં છ લાખ કરતા પણ વધુ ફોલોઅર્સ થયા અને એક મિલિયનનો ઐતિસાહિક આંક તેઓ પાર કરી ગયા.