ગંગાએ કર્યો ખુલાસો: મારી બહેનના પુત્રના અનૌરસ બાપ છે નારાયણ સાંઇ
અત્રે ઉલ્લેખનીય છે કે થોડા દિવસો પહેલાં ગંગાની ઉદયપુરથી ધરપકડ કરવામાં આવી હતી. તો બીજી તરફ યૌન શોષણના આરોપી નારાયણ સાંઇને કોર્ટે ભાગેડૂ જાહેર કર્યા છે. ગંગા અને જમના સગી બહેનો છે. જમનાનું સાચું નામ ભાવના છે. સુરત પોલીસ કમિશ્નર રાકેશ અસ્થાનાએ જણાવ્યું હતું કે પૂછપરછ દરમિયાન સ્વિકાર્યું છે કે તેની બહેન જમનાનો પુત્ર હકિકતમાં નારાયણ સાંઇની સંતાન છે.
કમિશ્નરે જણાવ્યું હતું કે ગંગા પર નારાયણ સાંઇને છોકરીઓ સપ્લાઇ કરવાનો ગંભીર આરોપ છે. નારાયણ સાંઇ વિરૂદ્ધ બળાત્કારનો કેસ દાખલ કરાવનાર મહિલાએ આરોપ લગાવ્યો હતો કે ગંગા છોકરીઓને નારાયણ સાંઇની સાથે શારીરિક સંબંધ બાંધવા માટે મજબૂર કરે છે. ગંગા વિશે એ પણ જાણવા મળ્યું છે કે નારાયણ સાંઇ સાથે સંપર્કમાં આવી તે પહેલાં તે પોતાના પતિ સાથે મળીને કોલગર્લનું નેટવર્ક ચલાવતી હતી.
નારાયણ સાંઇના સંપર્કમાં આવ્યા બાદ ગંગા આશ્રમમાં નારાયણ સાંઇને પણ છોકરીઓ પૂરી પાડતી હતી. જો કે નારાયણ સાંઇ માટે તે મોટાભાગે આશ્રમની છોકરીને પોતાની વાતોમાં ફસાવતી હતી. પોલીસ ગંગા સાથે સતત પૂછપરછ કરી રહી છે. પોલીસને આશા છે કે ગંગા હજુ ઘણા રહસ્યો ઉકેલશે.
Click it and Unblock the Notifications
Sign in with Google
