• search
For Quick Alerts
ALLOW NOTIFICATIONS  
For Daily Alerts

દાહોદમાં ત્રણ યુવકોના શંકાસ્પદ મોત અંગે પોલીસને અકસ્માતની આશંકા

|
Google Oneindia Gujarati News

દાહોદ જિલ્લા પોલીસે જિલ્લાના દેવગઢ બારિયા તાલુકાના કાપડી ગામના ત્રણ યુવકોના મોતની તપાસ શરૂ કરી છે, જેમના મૃતદેહ શુક્રવારના રોજ તાલુકાના ડાંગરીયા ગામમાંથી મળી આવ્યા હતા. દાહોદ પોલીસે જણાવ્યું હતું કે, પ્રાથમિક દ્રષ્ટિએ તપાસ અને શબપરીક્ષણ રિપોર્ટ(એટોપ્સી રિપોર્ટ) એક જીવલેણ અકસ્માત થયો હોવા તરફ ઇશારો કરે છે. આ ત્રણ યુવકો મોટરસાઇકલ પર મુસાફરી કરી રહ્યા હોય, તે ગામ નજીક એક ખાડામાં પડી ગયા હોય તેવી શક્યતા છે.

21 વર્ષીય યુસુફ અયુબ કમાલ, 25 વર્ષીય અકબર સત્તાર પટેલ અને 21 વર્ષીય સમીર જાથેરાના મૃતદેહ શુક્રવારના રોજ ડાંગરીયા ગામ નજીક એક ખાડામાંથી મળી આવ્યા હતા. આ યુવકો મોટરસાઇકલ ચલાવતા હતા તે દરમિયાન અકસ્માતે તેમાં પડી ગયા હતા. શનિવારના રોજ દાહોદ જિલ્લા પોલીસ દ્વારા પરિવાર તરફથી અણબનાવની આશંકા અંગે પણ તપાસ કરી રહી છે. પોલીસે જણાવ્યું કે, પ્રાથમિક કારણ જીવલેણ અકસ્માત હોવાનું જણાઇ રહ્યું છે.

દાહોદના પોલીસ અધિક્ષક હિતેષ જોયસરે જણાવ્યું હતું કે, બહારી ઈજાના કોઇ નિશાન દેખાતા ન હોવાથી અમે મૃતદેહોને પોસ્ટમોર્ટમ માટે મોકલ્યા હતા. પોસ્ટ મોર્ટમ રિપોર્ટમાં શરીરને અન્ય કોઇ ઇજાના સંકેત મળ્યા નથી. પ્રથમ દ્રષ્ટિએ તે જીવલેણ અકસ્માત હોવાનું જણાય છે, પરંતુ અમે અન્ય તમામ પાસાઓની તપાસ કરી રહ્યા છીએ, જેમાં ફાઉલ પ્લે થવાની સંભાવનાના પરિવારો દ્વારા વ્યક્ત કરવામાં આવેલી આશંકાનો પણ સમાવેશ થાય છે.

એક મૃતકના પરિવારે આરોપ લગાવ્યો છે કે, જે છોકરી સાથે તે પહેલા સંબંધમાં હતો તેના પરિવાર દ્વારા તેની હત્યા કરવામાં આવી હોય શકે છે. દાહોદના SP જોયસરે જણાવ્યું હતું કે, તેમને આશંકા વ્યક્ત કરી છે, પરંતુ પ્રેમ સંબંધનો મુદ્દો બે વર્ષ જૂનો હતો. જો કે અમે તમામ શક્યતાઓ ચકાસી રહ્યા છીએ. આ સમયે અમને ખબર નથી કે અકસ્માત કેવી રીતે થયો કે, શું તેમની મોટરસાઇકલ કોઈની સાથે અથડાઈ હતી કે, પછી તેમને અકસ્માતથી બચવા પોતાની બાઇક ખાડામાં ઉતારી દીધી હતી. આ ખાડો 50 ફૂટ ઉંડો હતો, જેમાં તેને પડી ગયા હતા. જે વળાંક પર મોટરસાઇકલ મળી આવ્યું છે, તે એલ આકારનો વળાંક છે. એવી પણ શક્યતા છે તેમને વળાંક પર વળી ન શક્યા હોય અને તેમને ખાઈમાં પડી ગયા હોય. પ્રથમ દ્રષ્ટિએ આ અકસ્માતનો કેસ લાગે છે, પરંતુ ફોરેન્સિક રિપોર્ટ આવ્યા બાદ જ આ કેસની વધુ વિગતો સામે આવશે.

English summary
Dahod district police have started investigation into the deaths of three youths from Kapadi village in Devgarh Baria taluka of the district, whose bodies were found on Friday from Dangaria village in the taluka. Preliminary investigations and an autopsy report indicate that a fatal accident had taken place, Dahod police said.
ઝડપી સમાચાર અપડેટ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
loader
X