ગુજરાતમાં સ્કૂલ-કૉલેજોનો ઑનલાઈન અભ્યાસ 7 જૂનથી ફરીથી શરૂ, યુનિવર્સિટીનુ એકેડેમિક કેલેન્ડર થયુ જાહેર
ગુજરાત સરકારે 7 જૂનથી ફરીથી એક વાર સ્કૂલ-કૉલેજોનો ઑનલાઈન અભ્યાસ શરૂ કરવાનો નિર્ણય કર્યો છે.
અમદાવાદઃ કોરોનાના કેસ હવે સતત ઘટી રહ્યા છે અને એવામાં ગુજરાત સરકારે પ્રતિબંધોમાં છૂટ આપવાની શરૂ કરી દીધી છે. સરકારે 7 જૂનથી ફરીથી એક વાર સ્કૂલ-કૉલેજોનો ઑનલાઈન અભ્યાસ શરૂ કરવાનો નિર્ણય કર્યો છે. સાથે જ ગુજરાત શિક્ષણ વિભાગ દ્વારા યુનિવર્સિટી માટે એકેડેમિક કેલેન્ડર જાહેર કરવામાં આવ્યુ છે. સરકારી યુનિવર્સિટીઝ માટે જાહેર શૈક્ષણિક કેલેન્ડરના જણાવ્યા મુજબ બધી સ્કૂલો ઉપરાંત UG સેમિસ્ટર-3 અને PG સેમિસ્ટર-3 માટે 7 જૂનથી ઑનલાઈન અભ્યાસ શરૂ થશે.
ગુજરાત શિક્ષણ વિભાગના શૈક્ષણિક કેલેન્ડર અનુસાર પહેલા સેમિસ્ટરની તારીખનુ એલાન પણ જલ્દી કરવામાં આવશે. જો કે વિદ્યાર્થીઓનો અભ્યાસ હાલમાં ઘરે બેસીને જ થશે. કોરોનાના ઘટતા કેસો વચ્ચે ગુજરાત સરકારે વધુ એક મોટો નિર્ણય કર્યો છે. સરકારે હવે ખાનગી-સરકારી બધા કાર્યાલયોમાં 100 ટકા કર્મચારીઓ સાથે કામ કરવાની અનુમતિ આપી દીધી છે. આ આદેશ પણ 7 જૂનથી પ્રભાવી થશે. જનસંપર્ક તેમજ સૂચના વિભાગે આની માહિતી આપી.
સવારે 9 વાગ્યાથી સાંજે 6 વાગ્યા સુધી દુકાનો રહેશે ખુલ્લી
આ પહેલા રાજ્યના મુખ્યમંત્રી વિજય રૂપાણીએ નિર્દેશ જાહેર કરીને કહ્યુ હતુ કે હવે સવારે 9 વાગ્યાથી સાંજે 6 વાગ્યા સુધી સલુન સહિત બધા વેપાર-ધંધામાં છૂટ આપવામાં આવી રહી છે. તેમણે કહ્યુ કે રાજ્યમાં રેસ્ટોરાં રાતે 10 વાગ્યા સુધી હોમ ડિલીવરી કરી શકશે. કોરોના કેસ ઘટતા આ રાહત આપવામાં આવી. જો કે બે-અઢી મહિના પહેલા નવા દર્દી 14000થી ઉપર પહોંચી ગયા હતા. પરંતુ હવે રોજના 1600થી ઓછા આવી રહ્યા છે. જો કે નાઈટ કર્ફ્યુમાં કોઈ ઢીલ આપવામાં આવી નથી.
Click it and Unblock the Notifications
Sign in with Google
