સેન્સેક્સેમાં 14 મહિનામાં સૌથી મોટો ઉછાળો, 500 પોઇન્ટ વધારો

| Updated: Friday, February 6, 2015, 18:15 [IST]

મુંબઇ, 21 સપ્ટેમ્બર : કેન્દ્ર સરકારના તાજેતરના નિર્ણયોને પગલે ભારતના માર્કેટમાં તેજી જોવા મળી હતી. બીએસઇ સેન્સેક્સે એક જ દિવસમાં 500 પોઇન્ટનો વધારો નોંધાવ્યો હતો. છેલ્લા 14 મહિનામાં આ સૌથી મોટો એક દિવસીય ઉછાળો હતો.

સરકારે રિટેલ, એવિએશન અને બ્રોડકાસ્ટ ક્ષેત્રમાં મલ્ટી બ્રાન્ડ એફડીઆઇને આપેલી મંજૂરીને પગલે માર્કેટમાં ભારે તેજી જોવા મળી હતી. વૈશ્વિક બજારોની અસરમાં સવારથી જ માર્કેટ વધારા સાથે ખૂલ્યા હતા. જેના કારણે દેશમાં સર્જાયેલી રાજકીય સ્થિતિ છતાં પણ માર્કેટમાં ભારે ઉછાળો જોવા મળ્યો હતો. આ ઉપરાંત સરકારે સ્થાનિક કંપનીઓ વિદેશમાંથી લોન લઇ શકવાને આપેલી મંજૂરીને પગલે આગામી સમયમાં સુધારાઓ અંગે સકારાત્મક આશા બંધાઇ હતી.

તેજીને પગલે એનએસઇ પણ વધીને 5700ની નોંધપાત્ર સપાટીએ પહોંચ્યો હતો. બપોરે 2 વાગે સેન્સેક્સ 415 પોઇન્ટના વધારા સાથે 18,765ની સપાટીએ ટ્રેડ થઇ રહ્યો હતો. જ્યારે નિફ્ટી 138 પોઇન્ટ વધી 5,692 પોઇન્ટની સપાટીએ ટ્રેડ થઇ રહ્યો હતો.