ગુજરાતમાં LPG ગોડાઉન પર પોલીસ તૈનાત કરાશે, સુરક્ષા માટે સરકારનો નવો આદેશ

ગુજરાત રાજ્યના અન્ન અને નાગરિક પુરવઠા વિભાગ દ્વારા એલપીજી સિલિન્ડરના ગોડાઉન અને બુકિંગ ઓફિસોની સુરક્ષા વધારવા માટે મહત્વનો આદેશ જાહેર કરવામાં આવ્યો છે.

નવા નિયમ મુજબ, રાજ્યભરના તમામ સરકારી અને ખાનગી ગેસ ગોડાઉનો પર હવે પોલીસ જવાનો તૈનાત કરવામાં આવશે જેથી કોઈપણ અનિચ્છનીય ઘટના રોકી શકાય.

સુરક્ષા વ્યવસ્થાને વધુ મજબૂત બનાવવા માટે દરેક સ્થળ પર એક પોલીસ જવાનની સાથે મહેસૂલ વિભાગના એક કર્મચારીની પણ ખાસ નિમણૂક કરવામાં આવનાર છે.

કેન્દ્ર સરકારની ગાઈડલાઈન મુજબ રાજ્યના મુખ્ય સચિવ અને પોલીસ વડાને આ અંગેની સૂચનાઓ મોકલી દેવામાં આવી છે જેથી વહેલી તકે અમલીકરણ થઈ શકે.

આ આદેશ પાછળનો મુખ્ય હેતુ રાજ્યમાં રાંધણ ગેસના સિલિન્ડરોની સુરક્ષિત વહેંચણી સુનિશ્ચિત કરવાનો અને સંગ્રહખોરી જેવી પ્રવૃત્તિઓ પર નિયંત્રણ મેળવવાનો રાખવામાં આવ્યો છે.

English summary

The state orders enhanced security for LPG cylinder godowns, with police presence at each site and revenue department staff assisting to ensure secure distribution and deter theft or misallocation across public and private depots.