મેચ બાદ સુરતીઓએ રસ્તા પર કરી ઉજવણી, પોલીસનો લાઠીચાર્જ
ચેમ્પિયન્સ ટ્રોફી 2017ની ભારત વિ. પાક.ની મેચમાં ભારતના વિજયની ઉજવણીભારતની જીતની ઉજવણી માટે રાત્રે રસ્તા પર ઉમટ્યા સુરતીઓભાગળ વિસ્તારમાં ભીડને કારણે ટ્રાફિક જામ થયો હતોભીડને વિખેરવા માટે પોલીસે હળવો
રવિવારે ઈંગ્લેન્ડમાં રમાયેલ ચેમ્પિયન્સ ટ્રોફીની ભારત-પાકિસ્તાનની વન ડે મેચમાં ભારતનો વિજય થતા સુરત શહેરમાં મોટી સંખ્યામાં લોકો રોડ પર ઉમટી પડયા હતા. ટીમ ઇન્ડિયાની મેચની ઉજવણીના ઉત્સાહમાં રોડ પર ભારે ભીડ જોવા મળી હતી. મોટી સંખ્યામાં લોકો રોડ પર એકઠા થઇ જતા ટ્રાફિક જામની પરિસ્થતિ સર્જાઈ હતી.
પોલીસે આવીને લોકોને રસ્તા પરથી દૂર કરવાનો પ્રયાસ કર્યો હતો. પોલીસની દખલઅંદાજી છતાં લોકો રસ્તા પરથી ખસવા તૈયાર નહોતા, આખરે પોલીસે હળવો લાઠીચાર્જ કરી લોકોને રોડ પરથી હટાવ્યા હતા.
સુરતના ભાગળ ચાર રસ્તા પર આવીને લોકોની ભીડ જમા થઇ હતી અને ટ્રાફિક જામ થયો હતો. ભીડને ખસેડવા અહીં પોલીસે હળવો લાઠીચાર્જ કરવાની ફરજ પડી હતી. પોલીસે લાઠીચાર્જ શરૂ કરતાં નાસભાગ થઇ ગઈ હતી. જીતની ઉજવણી કરતા લોકોને પોલીસે દોડાવ્યા હતા. સુરતી લાલાઓએ પોતાના વાહન મુકી ભાગવાની ફરજ પડી હતી.