મુંદ્રા પોર્ટ પરથી શંકાસ્પદ રેડિયો એક્ટિવ સામાન ઝડપાયો, પાકિસ્તાનથી ચીન મોકલાઈ રહ્યો હતો!
ભારતીય અધિકારીઓએ ગુરુવારે ગુજરાતના મુંદ્રા બંદર પર સંભવિત રેડિયો એક્ટિવ પદાર્થોથી ભરેલું જહાજ જપ્ત કર્યું છે. અદાણી પોર્ટ્સ દ્વારા જારી કરાયેલા એક નિવેદન અનુસાર, આ શિપમેન્ટ, જેમાં કેટલાક કન્ટેનર સામેલ છે.
અમદાવાદ : ભારતીય અધિકારીઓએ ગુરુવારે ગુજરાતના મુંદ્રા બંદર પર સંભવિત રેડિયો એક્ટિવ પદાર્થોથી ભરેલું જહાજ જપ્ત કર્યું છે. અદાણી પોર્ટ્સ દ્વારા જારી કરાયેલા એક નિવેદન અનુસાર, આ શિપમેન્ટ, જેમાં કેટલાક કન્ટેનર સામેલ છે. તેને પોર્ટ પર સંયુક્ત કસ્ટમ્સ અને DRI ટીમ દ્વારા વિદેશી જહાજમાંથી જપ્ત કરવામાં આવ્યું છે, આમાં અઘોષિત ખતરનાક કાર્ગો હતા. મુંદ્રા પોર્ટ અદાણી પોર્ટ્સ અને SEZs (APSEZ) દ્વારા સંચાલિત થાય છે.
નિવેદન અનુસાર, 18 નવેમ્બર, 2021 ના રોજ સંયુક્ત કસ્ટમ્સ અને ડીઆરઆઈની એક ટીમે મુંદ્રા પોર્ટ પર વિદેશી જહાજમાંથી કેટલાક કન્ટેનર જપ્ત કર્યા હતા, જેમાં અઘોષિત ખતરનાક માલ હતો. નિવેદનમાં એમ પણ કહેવામાં આવ્યું છે કે, જપ્ત કરાયેલ કાર્ગોને બિન-ખતરનાક તરીકે સૂચિબદ્ધ કરવામાં આવ્યો હતો, તેમ છતાં તેના કન્ટેનરમાં હેઝાર્ડ ક્લાસ 7 માર્કિંગ હતું. જે રેડિયો એક્ટિવ પદાર્થો તરફ નિર્દેશ કરે છે.
નિવેદનમાં એ પણ સ્પષ્ટતા કરવામાં આવી છે કે, આ કન્ટેનર મુંદ્રા પોર્ટ અથવા ભારતના અન્ય કોઈ બંદર માટે નિર્ધારિત નથી, પરંતુ તે પાકિસ્તાનના કરાચીથી ચીનના શાંઘાઈ જઈ રહ્યો હતો. જો કે, સરકારી અધિકારીઓએ વધુ તપાસ માટે મુન્દ્રા પોર્ટ પર કાર્ગો ઉતાર્યા હતા.
અદાણી પોર્ટ્સે તેના નિવેદનમાં વધુમાં જણાવ્યું હતું કે, APSEZએ આ કામગીરી માટે તમામ સંભવિત મદદ આપી છે અને કસ્ટમ્સ અને DRI સ્ટાફને તેમની ત્વરિત અને સંકલિત કાર્યવાહી માટે આભાર માન્યો છે. અમે તેમના પરિશ્રમને સલામ કરીએ છીએ અને ભારતને સુરક્ષિત રાખી શકે તેવી કોઈપણ કાર્યવાહીમાં સંપૂર્ણ મદદ કરવાનું ચાલુ રાખીશું. અદાણી જૂથ રાષ્ટ્રીય સુરક્ષાને ખૂબ જ ગંભીરતાથી લે છે અને તેના પર કોઈ સમજૂતી કરવા દેશે નહીં.
Click it and Unblock the Notifications
Sign in with Google
