પ્રજાસત્તાક દિવસની પરેડમાં ધોરડો, રણોત્સવ અને ગરબાની ઝાંખી આપશે ગુજરાતનું ટેબ્લો

Republic Day 2024: ગુજરાતનો સાંસ્કૃતિક વારસો આ વર્ષે પ્રજાસત્તાક દિવસની રાષ્ટ્રીય પરેડમાં કેન્દ્રસ્થાને રહેશે. નવી દિલ્હીમાં 26 જાન્યુઆરીના રોજ રાષ્ટ્રીય પરેડ દરમિયાન કર્તવ્ય પથ પર ધોરડો : ગુજરાતના સરહદી પ્રવાસનની વૈશ્વિક ઓળખ થીમ પર આધારિત એક ટેબ્લો આગળ વધશે.

આ ઝાંખીના મુખ્ય આકર્ષણોમાં ધોરડોના ભૂંગા તરીકે ઓળખાતા ઘરો, સ્થાનિક હસ્તકલા અને લાખની કલા, રણ ઉત્સવ, ટેન્ટ સિટી અને ગરબાનો સમાવેશ થશે, જેને તાજેતરમાં યુનેસ્કો દ્વારા અમૂર્ત સાંસ્કૃતિક વારસો જાહેર કરવામાં આવ્યો છે.

આ વર્ષે પરેડમાં કુલ 26 ટેબ્લોક્સ ભાગ લેવા માટે તૈયાર છે. તેમાંથી 16 વિવિધ રાજ્યો અને કેન્દ્રશાસિત પ્રદેશોનું પ્રતિનિધિત્વ કરશે, જ્યારે બાકીના 10 મંત્રાલયો, વિભાગો અને સંસ્થાઓના યોગદાનને પ્રદર્શિત કરશે.

ભાગ લેનારા રાજ્યોમાં અરુણાચલ પ્રદેશ, હરિયાણા, મણિપુર, મધ્ય પ્રદેશ, ઓડિશા, છત્તીસગઢ, રાજસ્થાન, મહારાષ્ટ્ર, આંધ્રપ્રદેશ, લદ્દાખ, તમિલનાડુ, ગુજરાત, મેઘાલય, ઝારખંડ, ઉત્તર પ્રદેશ અને તેલંગાણાનો સમાવેશ થાય છે.

26 જાન્યુઆરીએ ''ધોરડો: ગુજરાતના સરહદી પ્રવાસનની વૈશ્વિક ઓળખ" વિષય આધારિત ઝાંખીનું નવી દિલ્હીના કર્તવ્યપથ પર આયોજિત પ્રજાસત્તાક દિવસની રાષ્ટ્રીય પરેડમાં પ્રદર્શન કરવામાં આવશે.#CultureofGujarat #GloriousGujarat #GazabGujarat pic.twitter.com/OjVlYHj0Pf

— Gujarat Information (@InfoGujarat) January 23, 2024

English summary

Tableau of Gujarat will give an overview of Dhordo, Ranotsav and Garba in the Republic Day 2024 Parade