હવામાન સમાચાર : ગુજરાતમાં આ તારીખોમાં પડશે ભારે વરસાદ

ગુજરાતમાં હવામાન ખાતાની આગાહી, 13 થી 14 જુલાઇ દરમિયાન ઉત્તર ગુજરાતમાં પડશે ભારે વરસાદ અને 14 થી 16 જુલાઇ દરમિયાન દક્ષિણ ગુજરાતમાં અતિ ભારે વરસાદ પડવાની સંભાવના રહેલી છે.

હવામાન ખાતાએ આગામી દિવસોમાં ગુજરાતભરમાં ભારેથી અતિ ભારે વરસાદની આગાહી કરી છે. જે મુજબ શુક્રવારથી ચોમાસાનો બીજો રાઉન્ડ શરૂ થશે જેમાં દક્ષિણ ગુજરાત સમેત રાજ્યમાં અનેક જગ્યાએ વરસાદી વાતાવરણ જોવા મળશે. 13 જુલાઇથી 14 જુલાઇ દરમિયાન ભારે વરસાદ પડવાની આગાહી હવામાન ખાતાએ કરી છે. તો 14 જુલાઇથી 16 જુલાઇની વચ્ચે અતિ ભારે વરસાદ પડવાની સંભાવના છે. જેમાં દક્ષિણ ગુજરાતના સૌરાષ્ટ્ર અને દીવ વિસ્તારમાં વરસાદ સારા પ્રમાણમાં પડશે.

ઉલ્લેખનીય છે કે ગત થોડા દિવસથી ઉત્તર ભારત તરફ અપર એર સાયક્લોન સર્ક્યુલેશન સર્જાવાના કારણે લો પ્રેશરના લીધે ભારે વરસાદની સંભાવના રહેલી છે. વધુમાં 13 થી 14 જુલાઇની વચ્ચે ઉત્તર ગુજરાતમાં અમદાવાદ, પાલનપુર તરફ ભારે વરસાદની સંભાવના વધુ રહેલી છે. તેવું હવામાન ખાતાએ જણાવ્યું છે. તો બીજી તરફ ખેડૂતો પણ આ ચોમાસામાં વાવણી માટે સારા વરસાદની આસ રાખીને બેઠા છે.

English summary

Weather report : heavy rain in Gujarat between 13 to 16th July. Read here more.