Western Railway: ભાવનગર-બાન્દ્રા સાપ્તાહિક સ્પેશિયલ ટ્રેન હવે 25 ડિસેમ્બર સુધી લંબાવવામાં આવી

Western Railway: પશ્ચિમ રેલવે દ્વારા યાત્રીઓની સુવિધા માટે ભાવનગર મંડળના ભાવનગર ટર્મિનસ સ્ટેશનથી દર ગુરુવારે ચાલતી ભાવનગર-બાન્દ્રા સાપ્તાહિક સ્પેશિયલ ટ્રેન (Bhavnagar-Bandra weekly special train) ના ફેરાનો વિસ્તરણ કરવાનો નિર્ણય લેવાયો છે.

ભાવનગર મંડળના વરિષ્ઠ મંડળ વાણિજ્ય પ્રબંધક અતુલ કુમાર ત્રિપાઠી અનુસાર ટ્રેન નંબર 09207 બાન્દ્રા ટર્મિનસ-ભાવનગર ટર્મિનસ સ્પેશિયલ, જેને અગાઉ 15 ઓગસ્ટ, 2025 સુધી અધિસૂચિત કરવામાં આવી હતી, હવે તેને 26 ડિસેમ્બર, 2025 સુધી વધારી દેવામાં આવી છે.

ભાવનગર-બાન્દ્રા સ્પેશિયલ ટ્રેન

Railway News: આ ટ્રેન બાન્દ્રા ટર્મિનસ સ્ટેશનથી દર શુક્રવારે સવારે 09.30 કલાકે પ્રસ્થાન કરે છે અને તે જ દિવસે રાત્રે 23.45 કલાકે ભાવનગર ટર્મિનસ પહોંચે છે. તે જ રીતે, ટ્રેન નંબર 09208 ભાવનગર ટર્મિનસ-બાન્દ્રા ટર્મિનસ સ્પેશિયલ, જેને અગાઉ 14 ઓગસ્ટ, 2025 સુધી જાહેર કરવામાં આવી હતી, હવે તેને 25 ડિસેમ્બર, 2025 સુધી વધારી દેવામાં આવી છે. આ ટ્રેન ભાવનગર ટર્મિનસ સ્ટેશનથી દર ગુરુવારે બપોરે 14.50 કલાકે પ્રસ્થાન કરે છે અને બીજા દિવસે સવારે 06.00 કલાકે બાન્દ્રા ટર્મિનસ પહોંચે છે.

ટ્રેનની ટિકિટોનું બૂકિંગ આજથી શરૂ થશે

ટ્રેન નંબર 09208/09207 ની બુકિંગ આજે એટલે કે 20 ઓગસ્ટ, 2025 (બુધવાર)થી તમામ પીઆરએસ કાઉન્ટર અને આઈઆરસીટીસી વેબસાઈટ પર શરૂ થશે. આ ટ્રેનના સ્ટોપેજ, સમય અને સંરચના અંગેની વિગતવાર માહિતી માટે મુસાફરો કૃપા કરીને વેબસાઈટ www.enquiry.indianrail.gov.in પર અવલોકન કરી શકે છે.

English summary

Western Railway: Bhavnagar-Bandra weekly special train now extended till December 25