• search
For Quick Alerts
ALLOW NOTIFICATIONS  
For Daily Alerts

15મી સંસદે હંગામો ઉભો કરવામાં નવો ઇતિહાસ રચ્યો

|
parliament-of-india
નવી દિલ્હી, 29 એપ્રિલ : દેશની 15મી સંસદમાં લોકસભામાં કામકાજનાં 'હંગામો' ઉભો કરીને સમય વેટફવાનો ઇતિહાસ રચ્યો છે. વર્ષ 2009ના મે મહિનામાં રચવામાં આવેલી 15મી લોકસભામાં હંગામો વધવા સામે કામકાજ ઘટયું છે. 15મી લોકસભામાં 12મા સત્ર સુધીમાં 634 કલાકો બરબાદ ચૂક્યા છે.

કોઇને કોઇ મુદ્દે સંસદમાં થતાં હંગામાની અસર સરકારના કામકાજ ઉપર પડવા લાગી છે. સંસદની કાર્યવાહી ખોરવાતા પેન્‍ડીંગ ખરડાઓની યાદી પણ સતત લાંબી થઇ રહી છે. હંગામાને કારણે સરકાર પેન્‍ડિંગ ખરડાઓને કાયદાનું રૂપ આપવામાં નિષ્‍ફળ નીવડે છે. વર્તમાન લોકસભાની સ્‍થિતિ જોતાં યુપીએ-2 સરકાર સૌથી ઓછા ખરડા પસાર કરનાર સરકાર તરીકે નામ નોંધાવી શકી છે.

યુપીએ-2 સરકારે વર્ષ-2012 સુધીમાં માત્ર 125 ખરડાઓને કાયદાકીય રૂપ આપ્‍યું છે. યુપીએ-1 સરકારે 248 ખરડાઓ પસાર કર્યા હતા. ગત સરકારની બરોબરી કરવા માટે વર્તમાન સરકારે આગામી સત્રમાં 123 ખરડા પસાર કરવા પડે. જે વર્તમાન સ્‍થિતિ જોતાં અસંભવ લાગે છે. હાલ સંસદમાં 86 ખરડા પેન્‍ડિંગ છે. 12 ખરડાને સંસદના એક ગૃહની મંજૂરી મળી ચૂકી છે. કેન્‍દ્ર સરકારના ખરડા પસાર કરવાના કાર્યમાં કોઇ સૌથી મોટો અવરોધ હોય તો તે સંસદ ઠપ્‍પ થવી છે.

છેલ્લા 25 વર્ષના ઇતિહાસને ધ્‍યાનમાં લઇએ તો 15મી લોકસભામાં સૌથી વધુ સમય બરબાદ થયો છે. છેલ્લા 4 વર્ષોમાં સંસદ 70% કરતાં પણ ઓછા સમયનો ઉપયોગ કરી શકી છે. 2જી સ્‍પેકટ્રમ મામલે હંગામાને કારણે સંસદના શિયાળુ સત્રમાં 124 કલાક બરબાદ થયા હતા. યુપીએ-2 સરકારમાં આ એક રેકોર્ડ છે. સંસદના વર્તમાન સત્રમાં પણ ઘણાં મહત્‍વના ખરડા પેન્‍ડિંગ છે. તેમાં ખાદ્ય સુરક્ષા અને જમીન અધિગ્રહણ અંગેનો ખરડો સામેલ છે.

ખાદ્ય સુરક્ષાને કોંગ્રેસ યુપીએ-1 સરકારની જેમ ગ્રામિણ રોજગાર ગેરેન્‍ટી યોજના મુજબ 2014માં ચૂંટણીનો મુદ્દો બનાવવા ઇચ્‍છે છે પરંતુ વર્તમાન સત્રમાં અડચણો જોતાં તે પસાર થાય તેવી શકયતા ઓછી છે.

સંસદમાં કામકાજનાં લેખા જોખા ધ્‍યાને લઇએ તો 12 માર્ચથી 22 મે, 2012ના 10માં સત્રમાં 187 કલાક 36 મિનિટ કામ થયું જેની સામે 48 કલાક 42 મિનિટ હંગામામાં બરબાદ થયા હતા. જ્યારે 8 ઓગષ્‍ટથી 7 સપ્‍ટેમ્‍બ, 2012ના 11માં સત્રમાં 24 કલાક 22 મિનિટ કામકાજ થયું. જ્‍યારે 77 કલાક 51 મિનિટ બરબાદ થયા. 22 નવેમ્‍બરથી 20 ડિસેમ્‍બર, 2012નાં 12માં સત્રમાં 61 કલાક 45 મિનિટ કામકાજ થયું જેની સામે 59 કલાક 07 મિનિટ બરબાદ થઇ. 15મી લોકસભાનાં છઠ્ઠા સત્રમાં માત્ર 7 કલાક 35 મિનિટ સંસદની કાર્યવાહી ચાલી સત્રના 124 કલાક 40 મિનિટ હંગામાની ભેટ ચઢી ગયા. કેન્‍દ્ર સરકાર સંસદના શિયાળુ સત્રમાં 94 ખરડા પસાર કરવા ઇચ્‍છતી હતી પરંતુ માત્ર 22 ખરડા જ પસાર થઇ શકયા.

વધુમાં 13મી લોકસભા (1999-2004)માં 297 ખરડા પસાર થયા હતા. 14મી લોકસભા (2004-2009)માં 248 ખરડા પસાર થયા હતા જેની સામે 15મી લોકસભામાં માત્ર 125 ખરડા પસાર થઇ શકયા છે. વર્તમાન 15મી લોકસભા (2009થી 2012 સુધી) સરકાર માટે સૌથી વધુ મુશ્‍કેલ સાબિત થઇ છે. ચર્ચાની સંખ્‍યામાં પણ 15મી લોકસભા (ડિસેમ્બર 2012 સુધી) માત્ર 34 થઇ છે તેમાં પણ બે અધુરી છે. 13મી લોકસભામાં તે સંખ્‍યા 59 અને 14મી લોકસભામાં 55 હતી.

English summary
15th parliament created new history in making Hungama.
ઝડપી સમાચાર અપડેટ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more