કડકડાટ અંગ્રેજી બોલતી આ કચરો વીણવાવાળી મહિલાને જોઈ ચોંકી ગયા લોકો, Video Viral
સોશિયલ મીડિયા પર હાલમાં એક વીડિયો ઝડપથી વાયરલ થઈ રહ્યો છે જેમાં એક કચરો વીણવાવાળી વૃદ્ધ મહિલા કડકડાટ અંગ્રેજી બોલતી દેખાઈ રહી છે.
નવી દિલ્લીઃ સોશિયલ મીડિયા પર હાલમાં એક વીડિયો ઝડપથી વાયરલ થઈ રહ્યો છે જેમાં એક કચરો વીણવાવાળી વૃદ્ધ મહિલા કડકડાટ અંગ્રેજી બોલતી દેખાઈ રહી છે. મહિલા દેખાવનાં તો ગરીબ અને એકલી જોવા મળી રહી છે પરંતુ જ્યારે તે બોલવાનુ શરૂ કરે છે ત્યારે સારા સારાની બોલતી બંધ થઈ જાય છે. વાસ્તવમાં શચીના હેગર નામની એક મહિલાએ પોતાના ઈન્સ્ટાગ્રામ પર આ મહિલા વિશે માહિતી આપતો વીડિયો શેર કર્યો છે કે જે જોત-જોતામાં વાયરલ થઈ ગયો.
વૃદ્ધ મહિલાનુ નામ છે સીસિલિયા માર્ગરેટ લૉરેન્સ
આ વીડિયો બેંગલુરુનો છે જ્યાંના સદાશિવનગર વિસ્તારમાં આ વૃદ્ધ મહિલા કચરો વીણવાનુ કામ કરે છે. તે જણાવી રહી છે કે તે 7 વર્ષ સુધી જાપાનમાં કામ કરી ચૂકી છે. તેણે પોતાનુ નામ સીસિલિયા માર્ગારેટ લૉરેન્સ જણાવ્યુ છે. વાત કરતા-કરતા તે વચમાં ગીતો પણ ગાવા લાગે છે. એટલુ જ નહિ તેણે એ પણ કહ્યુ કે તે એક કલાકાર છે અને પહેલા મૉડલિંગ કરી ચૂકી છે અને હાલમાં અહીં કચરો વીણવાનુ કામ કરે છે.
વૃદ્ધ મહિલાએ સૌને ચોંકાવ્યા
જ્યારે શચીના હેગર તેને પૂછે છે કે તમે અહીં એકલા રહો છો ત્યારે એ જવાબ આપે છે જેને સાંભળ્યા બાદ શચીના હેગરે તેને સૉરી કહેવુ પડ્યુ. વાસ્તવમાં એકલા રહેવાના સવાલ બાદ તે મહિલા તરત મધર મેરીના ફોટાને બતાવે છે અને કહે છે, જે આમની સાથે રહે છે, તે શું ક્યારેય એકલા હોઈ શકે છે, જેના પર શચીનાએ તેની માફી માંગવી પડે છે.
દર્દભરી કહાનીઓ આપણી ચારે તરફ હોય છે
શચીના હેગરે આ વીડિયો શેર કરીને લખ્યુ કે કહાનીઓ હંમેશા આપણી આસપાસ હોય છે. તમારે બસ એટલુ કરવાનુ છે કે અટકો અને ચારે તરફ જુઓ. અમુક સુંદર તો અમુક દર્દભરી પરંતુ ફૂલો વિનાની જિંદગી શું છે... આ વીડિયોને અત્યાર સુધી 18,427 લાઈક્સ મળી ચૂક્યા છે અને લોકો તેના પર જોરદાર કમેન્ટ્સ કરી રહ્યા છે.
Click it and Unblock the Notifications
Sign in with Google
