અમૃતપાલ સિંહના કાકા અને ડ્રાઈવરે પંજાબ પોલીસ સામે કર્યુ સરેન્ડર

ખાલિસ્તાની નેતા અમૃતપાલ સિંહના ડ્રાઈવર હરપ્રીત અને કાકા હરજીતે મેહતપુરમાં પંજાબ પોલીસ સામે સરેન્ડર કરી દીધુ છે.

Amritpal Singh uncle driver surrender: અલગાવવાદી નેતા અને 'વારિસ પંજાબ દે'ના પ્રમુખ અમૃતપાલ સિંહના ડ્રાઈવર હરપ્રીત અને કાકા હરજીતે મેહતપુરમાં પંજાબ પોલીસ સામે સરેન્ડર કરી દીધુ છે. સૂત્રો મુજબ કાલે રાતે તેમને પોલીસ સ્ટેશન લઈ જવામાં આવ્યા છે. જ્યારે ખાલિસ્તાની નેતા અમૃતપાલ સિંહને પકડવા માટે રાજ્યમાં ત્રીજા દિવસે પણ સર્ચ અભિયાન ચાલુ છે. પંજાબ પોલીસે તેને ભાગેડુ જાહેર કર્યો છે.

પંજાબ પોલીસના જણાવ્યા મુજબ 'વારિસ પંજાબ દે' સંગઠન વિરુદ્ધ સતત કાર્યવાહી કરવામાં આવી રહી છે. પોલીસે 19 માર્ચે વધુ 34 ધરપકડ કરી હતી. અત્યાર સુધીમાં અમૃતપાલ સિંહના કુલ 112 સહયોગીઓની ધરપકડ કરવામાં આવી છે. પોલીસે રવિવારે સમગ્ર પંજાબમાં ફ્લેગ માર્ચ અને શોધખોળ હાથ ધરી હતી અને સીઆરપીસીની કલમ 144 લાગુ કરી હતી. આસામમાં અમૃતપાલ સિંહના કેટલાક સમર્થકોની પણ ધરપકડ કરવામાં આવી છે.

પંજાબ સરકારે મોબાઈલ ઈન્ટરનેટ અને એસએમએસ સેવાઓ પરનો પ્રતિબંધ સોમવાર બપોર સુધી લંબાવ્યો છે. પંજાબ પોલીસે શનિવારે મોટાપાયે કાર્યવાહી શરૂ કરી ત્યારથી અમૃતપાલ સિંહ ફરાર છે. પોલીસે તેને જાહેર ગુનેગાર જાહેર કર્યો છે. અમૃતપાલ સિંહ અને તેના સમર્થકોએ અમૃતસર નજીકના અજનાલા પોલીસ સ્ટેશન પર હુમલો કર્યાના અઠવાડિયા પછી આ કાર્યવાહી થઈ છે.

English summary

Amritpal Singh uncle and driver surrender before Punjab police, search operations continue.