INX મીડિયા કેસમાં પી. ચિદમ્બરમને મોટી રાહત, દિલ્લી HCએ CBIની અરજીને ફગાવી

આઈએનએક્સ મીડિયા કેસમાં પૂર્વ કેન્દ્રીય મંત્રી અને કોંગ્રેસના વરિષ્ઠ નેતા પી ચિદમ્બરમને દિલ્લી હાઈકોર્ટમાંથી મોટી રાહત મળી છે.

નવી દિલ્લીઃ આઈએનએક્સ મીડિયા કેસમાં પૂર્વ કેન્દ્રીય મંત્રી અને કોંગ્રેસના વરિષ્ઠ નેતા પી ચિદમ્બરમને દિલ્લી હાઈકોર્ટમાંથી મોટી રાહત મળી છે. દિલ્લી હાઈકોર્ટે સીબીઆઈની એ અરજીને ફગાવી દીધી છે જેમાં નીચલી કોર્ટના ચુકાદાને પડકારવામાં આવ્યો હતો. દિલ્લી ઉચ્ચ ન્યાયાલયે બુધવારે આરોપી દ્વારા દસ્તાવેજોની નકલો/નિરીક્ષણોની અનુમતિ આપનાર આદેશને પડકારતી સીબીઆઈની અરજીને ફગાવી દીધી.

વાસ્તવમાં નીચલી અદાલતના ચુકાદા હેઠળ આઈએનએક્સ મીડિયા કેસમાં કોંગ્રેસ નેતા પી ચિદમ્બરમ, તેમના દીકરા કાર્તિ ચિદમ્બરમ તેમજ અન્ય આરોપીઓને માલખાનામાં રાખેલા દસ્તાવેજોનુ નિરીક્ષણ કરવાની અનુમતિ આપવામાં આવી હતી. સીબીઆઈએ આ ચુકાદાને પડકારીને હાઈકોર્ટમાં અરજી દાખલ કરી હતી. જેમાં સીબીઆઈએ કહ્યુ હતુ કે આઈએનએક્સ મીડિયા કેસમાં તપાસ હજુ પણ ચાલુ છે અને નિરીક્ષણના પરિણામસ્વરુપ પુરાવા સાથે છેડછાડ કરવામાં આવી શકે છે માટે નીચલી અદાલતના પાંચ માર્ચના આદેશને રદ કરવામાં આવે.

અરજી પર સુનાવણી કરી રહેલા ન્યાયમૂર્તિ મુક્તા ગુપ્તાએ કહ્યુ કે અરજી ફગાવવામાં આવે છે. સીબીઆઈએ કહ્યુ હતુ કે એક નિષ્પક્ષ સુનાવણી એ નથી જે આરોપી નિષ્પક્ષ સુનાવણીના નામે ઈચ્છે છે. જો કે પ્રતિવાદી/આરોપીઓની નિષ્પક્ષ સુનાવણીના અધિકારનુ ઉલ્લંઘન કરવામાં આવ્યુ નહોતુ કારણકે અરજીકર્તા(સીબીઆઈ) દ્વારા ભરોસો કરવામાં આવેલ બધા દસ્તાવેજ પ્રતિવાદી/આરોપીઓને ઉપલબ્ધ કરાવવામાં આવ્યા હતા.

સીબીઆઈએ આ કેસમાં 15 મે, 2017ના રોજ કેસ નોંધ્યો હતો. આરોપ છે કે આ કેસમાં પી ચિદમ્બરના નાણામંત્રી રહેવા દરમિયાન અનિયમિતતા વર્તવામાં આવી. 2007માં આઈએનએક્સ મીડિયા જૂથને 305 કરોડ રૂપિયા વિદેશી દાન મેળવવા માટે આપવામાં આવેલી વિદેશ રોકાણ પ્રોત્સાહન બોર્ડ(એફઆઈપીબી)ની મંજૂરી આપવામાં અનિયમિતતાનો આરોપ હતો. ત્યારબાદ સીબીઆઈએ આ કેસમાં ચિદમ્બરની 21 ઓગસ્ટ, 2019ના રોજ ધરપકડ કરી હતી.

English summary

Big relief to P Chidambaram in INX Media case, Delhi HC dismisses CBI's plea