ABP-C વોટર સર્વેમાં યુપીમાં બીજેપી આગળ, સપાને ફાયદો થઈ શકે છે!
ઉત્તર પ્રદેશમાં વિધાનસભા ચૂંટણીનું કાઉન્ટડાઉન શરૂ થઈ ગયું છે. તમામ પક્ષોના નેતાઓ સતત જનતા વચ્ચે દેખાઈ રહ્યાં છે. નવેમ્બરના પ્રથમ સપ્તાહમાં એબીપી ન્યૂઝ સી-વોટર દ્વારા એક સર્વે કરવામાં આવ્યો છે, જેમાં ભાજપ આગળ દેખાય છે.
લખનૌ, 12 નવેમ્બર : ઉત્તર પ્રદેશમાં વિધાનસભા ચૂંટણીનું કાઉન્ટડાઉન શરૂ થઈ ગયું છે. તમામ પક્ષોના નેતાઓ સતત જનતા વચ્ચે દેખાઈ રહ્યાં છે. નવેમ્બરના પ્રથમ સપ્તાહમાં એબીપી ન્યૂઝ સી-વોટર દ્વારા એક સર્વે કરવામાં આવ્યો છે, જેમાં ભાજપ આગળ દેખાય છે તો એક સમયે યુપીમાં મજબૂત પકડ ધરાવતી બહુજન સમાજ પાર્ટી માટે ચિંતાજનક આંકડાઓ સામે આવ્યા છે.
સર્વે અનુસાર, યોગી આદિત્યનાથની આગેવાની હેઠળની ભાજપ હજુ પણ મતદારોની પસંદ છે, જ્યારે અખિલેશ યાદવની સમાજવાદી પાર્ટી છેલ્લી ચૂંટણીની તુલનામાં થોડો ફાયદો કરી રહી છે. આ સર્વેમાં માયાવતીની બસપાનું મેદાન સરકતું જોવા મળ્યું છે. આ સિવાય કોંગ્રેસ પણ ઓછી મજબૂત દેખાઈ રહી છે, પરંતુ પ્રિયંકા ગાંધીના કારણે તેણે 2017ના આંકડાઓ કરતા વધારે મજબુત દેખાઈ રહી છે.
2017ની યુપી વિધાનસભાની ચૂંટણીમાં BJP 41.4% વોટ મેળવવામાં સફળ રહી હતી, જ્યારે SP પાસે 23.6% અને BSP પાસે 22.2% હતા. ભાજપ મતદારોનો વિશ્વાસ ગુમાવે તેવી શક્યતા નથી, કારણ કે નવેમ્બરના નવા અંદાજ મુજબ 40.7 ટકા મતદાન ઉત્તરદાતાઓ ભાજપને પસંદ કરી રહ્યાં છે. જો કે, 2017ની સરખામણીમાં 0.7 ટકા ઘટાડો છે. બીજી તરફ બસપાની વોટ બેંકમાં ઘટાડો સપાના ખાતામાં જતો દેખાઈ રહ્યો છે, જ્યારે 2017ની ચૂંટણીની સરખામણીમાં કોંગ્રેસમાં 2.6 ટકાનો વધારો થતો દેખાઈ રહ્યો છે.
છેલ્લી ચૂંટણીમાં 403 વિધાનસભા બેઠકોમાંથી ભાજપ 325 પર, સપા 48 પર, બસપા 19 પર અને કોંગ્રેસ 7 પર હતી. સી-વોટર અનુસાર આ વખતે બીજેપી માટે સીટોની સંખ્યા 213-221 હશે, જ્યારે સપાને 152 થી 160 સીટો મળી શકે છે. આ સિવાય BSP 16 થી 20 અને કોંગ્રેસ 6 થી 10 વચ્ચે રહી શકે છે.
Click it and Unblock the Notifications
Sign in with Google
