Video : PM મોદીને ગૌતમ દાસ અને ચાયવાલા કહેવા વાળાઓને ભાજપે આપ્યો જવાબ
હાલ સંસદમાં વિપક્ષ દ્વારા મોદી સરકાર પર સતત પ્રહારો કરવામાં આવી રહ્યા છે. જેમાં વડાપ્રધાન મોદીને વિપક્ષ ગૌતમ દાસ અને ચાયવાલા જેવા નામોથી સંબોધિત કરી રહ્યા છે. જેના જવાબમાં ભારતીય જનતા પાર્ટીએ એક વીડિયો શેર કર્યો છે.
ભારતીય જનતા પાર્ટીએ મંગળવારના રોજ વડાપ્રધાન નરેન્દ્ર મોદીની 2007થી અત્યાર સુધીની સફરને દર્શાવતો એક એનિમેટેડ વીડિયો શેર કર્યો છે, જેમાં તેમની સરકારની તમામ મોટી સિદ્ધિઓ અને વિપક્ષના 'મૌત કા સૌદાગર' અને 'ચાયવાલા' જેવા નિવેદનો અને અન્ય પાર્ટીઓના નિષ્ફળ હુમલાઓનો ઉલ્લેખ કરવામાં આવ્યો છે.
5 ટ્રિલિયન ડોલર ઇકોનોમીના લક્ષ્ય તરફની સફર
આ વીડિયો ક્લિપ આખરે તેમને '5 ટ્રિલિયન ડોલર ઇકોનોમી'ના ધ્યેય તરફ કામ કરતા સૂચવે છે, જે 'ગૌતમ દાસ', 'મોદી તેરી કબર ખુદેગી', અને 'નીચ' સહિતના દુરુપયોગથી અવિચલિત થયા વગર ધ્યય તરફ આગળ વધવાની સફર દર્શાવે છે.
4 મિનિટનો એનિમેટેડ વીડિયો
ચાર મિનિટની આ વીડિયો ક્લિપ ગુજરાતના મુખ્યમંત્રી તરીકે નરેન્દ્ર મોદી સાથે શરૂ થાય છે, જેઓ 2014ની સામાન્ય ચૂંટણીમાં વડાપ્રધાન પદનું લક્ષ્ય ધરાવે છે. જેમ જેમ તેમને વડાપ્રધાનની ખુરશી તરફ દોરી જતા સીડીઓ પર ચાલવાનું શરૂ કરે છે, ત્યારે તેમને સોનિયા ગાંધી દ્વારા નિશાન બનાવવામાં આવે છે, જે તેમને 'મૌત કા સૌદાગર' તરીકે ઓળખાવે છે. આ બધા હુમલાઓને અવગણીને, તે વડાપ્રધાન પદ સુધી પહોંચતા જોવા મળે છે, જ્યારે 'ચાયવાલા' અને યુએસ વિઝા પ્રતિબંધ માટે તેમની મજાક ઉડાવવામાં આવે છે. 2014 માં વડાપ્રધાન બન્યા પછી, તેમને અમેરિકાની મુલાકાત લેવાનું આમંત્રણ સાથે તત્કાલિન યુએસ પ્રમુખ બરાક ઓબામાની દેખાતી વ્યક્તિ દ્વારા આવકારવામાં આવે છે.
|
પ્રથમ કાર્યકાળથી અત્યાર સુધીની સિદ્ધિઓનું વર્ણન
વડાપ્રધાન તરીકેની તેમની પ્રથમ ઇનિંગમાં 'સ્વચ્છ ભારત મિશન', 'પ્રધાનમંત્રી મુદ્રા યોજના', 'ઉજ્જવલા યોજના', 'જન ધન યોજના', 'જીવન જ્યોતિ વીમા યોજના', 'પ્રધાનમંત્રી આવાસ યોજના' અને 'પાક વીમો' વગેરેને જાહેર કાર્યક્રમોના રૂપમાં બતાવવામાં આવે છે. કોંગ્રેસ નેતા રાહુલ ગાંધીના રાફેલ આરોપોને જૂની પાર્ટી દ્વારા નિરર્થક પ્રયાસ તરીકે દર્શાવવામાં આવ્યા છે. કારણ કે, મોદી 2019 માં ફરીથી વડાપ્રધાન તરીકે ચૂંટાયા છે. તેમના બીજા કાર્યકાળ દરમિયાન, તેમણે ફાઈઝર અને મોડર્ના જેવી યુએસ નિર્મિત રસીઓ પર કોવિડ રોગચાળાનો સામનો કરવા માટે 'ભારતીય રસી' પસંદ કરી હતી.
Click it and Unblock the Notifications
Sign in with Google
