મધ્ય પ્રદેશમાં કોંગ્રેસ ક્યારેય સત્તામાં નહિ આવે, હંમેશા રહેશે ભાજપ સરકારઃ ઈમરતી દેવી
ઈમરતી દેવીએ કહ્યુ કે કોંગ્રેસે મધ્ય પ્રદેશમાં ક્યારેય સત્તામાં નહિ આવે. અહીં હંમેશા ભાજપની જ સરકાર રહેશે.
ભોપાલઃ મધ્ય પ્રદેશમાં પેટા ચૂંટણી માટે મતદાનની તારીખ જેમ જેમ નજીક આવી રહી છે તેમ વાકયુદ્ધ પણ તેજ થઈ ગયા છે. કમલનાથનુ આઈટમવાળુ નિવેદન ચૂંટણી પ્રચારમાં ભાજપ સતત ઉઠાવી રહ્યુ છે. ડબરા વિધાનસભાના ભાજપના ઉમેદવાર ઈમરતી દેવી સતત કમલનાથને ઘેરી રહ્યા છે. શુક્રવારે ઈમરતી દેવીએ કહ્યુ કે કોંગ્રેસે મધ્ય પ્રદેશમાં ક્યારેય સત્તામાં નહિ આવે. અહીં હંમેશા ભાજપની જ સરકાર રહેશે.
એક સભાને સંબોધિત કરીને ઈમરતી દેવીએ કહ્યુ કે નવરાત્રિ ચાલી રહી છે, ભગવતી સામે કમલનાથે મને કેવી ભાષા બોલી છે. તમે જોશો કે મધ્ય પ્રદેશમાં ક્યારેય કોંગ્રેસ સત્તામાં નહિ આવે. ભાજપ બધી 28 સીટોપર પેટા ચૂંટી જીતશે અને અહીં હંમેશા ભાજપની જ સરકાર રહેશે. આ પહેલા ઈમરતી દેવીએ કમલનાથની મા અને બહેનને આઈટમ કહી હતી. તેમણે કહ્યુ હતુ કે કમલનાથની મા અને બહેન બંગાળની આઈટમ હશે પરંતુ મને તેની માહિતી નથી.
ઈમરતી દેવીએ કહ્યુ, 'તે બંગાળનો માણસ છે, તે મધ્ય પ્રદેશમાં આવ્યો માત્ર મુખ્યમંત્રી બનવા માટે' એટલુ જ નહિ તેમણે આગળ કહ્યુ, 'તેને બોલવાની સભ્યતા નથી તો વ્યક્તિને શું કહેવુ? એ મુખ્યમંત્રી પદેથી હટી ગયો એટલે પાગલ થઈ ગયો. હવે પાગલ બનીને આખા રાજ્યમાં ફરી રહ્યો છે તેનુ આપણે શું કરી શકીએ. તે કંઈ પણ કહી શકે છે. મારા રાજ્યનો વ્યક્તિ નથી, તેની મા અને બહેન બંગાળની આઈટમ હશે, તો આપણને થોડી ખબર છે.'
આ દરમિયાન ઈમરતી દેવીના વધુ એક નિવેદન પર બબાલ શરૂ થઈ ગઈ છે. ખેડૂતોના મુદ્દાઓના એક સવાલ પર ઈમરતી દેવીએ કહ્યુ કે હિં સંપૂર્ણપણે ડબરાના ખેડૂતો સાથે છુ અને હું ખેડૂતો માટે લડતી રહીશ. પાર્ટીના સવાલ પર ઈમરતી દેવીએ કહ્યુ કે પાર્ટી જાય ભાડમાં. તેમના આ નિવેદન પર હવે સવાલ ઉઠવા લાગ્યા છે.
Click it and Unblock the Notifications
Sign in with Google
