કેન્દ્ર સામે મમતાના અવિશ્વાસ પ્રસ્તાવને ભાજપનો ટેકો

નવી દિલ્હી, 7 ઑક્ટોબર : કેન્દ્ર સરકાર સામે તૃણમૂલ કોંગ્રેસ (ટીએમસી)ના અધ્યક્ષ મમતા બેનરજીના અવિશ્વાસ પ્રસ્તાવને ભાજપ સમર્થન આપશે.

શનિવાર, 6 ઑક્ટોબર, 2012ના રોજ દિલ્હીમાં ભાજપના કોર ગ્રુપની એક મહત્વપૂર્ણ બેઠક યોજાઇ હતી. આ બેઠકમાં કેન્દ્રની યુપીએ સરકારને ઘેરવા અંગેની રણનીતિ નક્કી કરવામાં આવી હતી. આ રણનીતિના ભાગરૂપે ભાજપે મમતા બેનરજીના અવિશ્વાસ પ્રસ્તાવને ભાજપ સમર્થન આપવાનો નિર્ણય લીધો છે.

આ અંગે ભાજપે સ્પષ્ટતા કરી હતી કે જો તૃણમૂલ કોંગ્રેસ લોકસભામાં સરકાર વિરૂધ્ધ અવિશ્વાસનો પ્રસ્તાવ લાવશે તો ભાજપ ટીએમસીનું સમર્થન કરશે. આ ઉપરાંત વીમા, પેન્શન, એફડીઆઇના સરકારના નિર્ણય અંગે પણ આ બેઠકમાં ચર્ચા કરવામાં આવી હતી. બેઠકમાં કર્ણાટકમાં સર્જાયેલી સ્થિતિ અંગે લાંબી ચર્ચા કરવામાં આવી હતી, પણ પક્ષ કોઇ નક્કર નિર્ણય પર પહોંચ્યો ન હતો.

English summary

BJP will support Mamata Banerjee's no confidence motion.