#Budget2017: રાહુલ ગાંધીએ કહ્યું, આ શેરો-શાયરીનું બજેટ છે
રાજકારણીય પક્ષોને મળતા ફંડના નિયમોમાં પરિવર્તન અંગે રાહુલ ગાંધીએ કહ્યું કે, તેમની પાર્ટી સરકારના એ દરેક નિર્ણયમાં તેમનો સાથ આપશે, જેનાથી પોલિટિકલ ફંડિંગમાં સુધાર અને પારદર્શકતા આવતી હોય.
કોંગ્રેસ ઉપાધ્યક્ષ રાહુલ ગાંધી એ જનરલ બજેટ ને શેરો-શાયરીનું બજેટ ગણાવતાં કહ્યું કે, આમાં ખેડૂતોને હાથ કંઇ નથી આવ્યું. યુવાઓ માટે પણ સરકારે બજેટમાં કોઇ ખાસ કામ નથી કર્યું. આ બજેટમાં સરકાર પાસેથી આનાથી મોટી જાહેરાતોની આપેક્ષા હતી.
પોલિટિકલ ફંડિંગમાં પારદર્શકતા લાવવા સરકારનો સાથ આપવા તૈયાર
રાહુલ ગાંધીએ કહ્યું કે, 'અમને બજેટમાં ઘણી વધારે સારી ઘોષણાઓની અપેક્ષા હતી, પરંતુ કંઇ હાથ લાગ્યું નથી. આ બજેટ ખેડૂતો અને યુવાઓની વિરુદ્ધ છે, સરકારે ખેડૂતો માટે બજેટમાં કંઇ નથી કર્યું અને ના તો યુવાઓ માટે કોઇ એવી સ્કિમની જાહેરાત કરી છે જેનાથી તેમને ફાયદો થાય.' રાજકારણીય પક્ષોને મળતા ફંડના નિયમોમાં પરિવર્તન અંગે રાહુલ ગાંધીએ કહ્યું કે, તેમની પાર્ટી સરકારના એ દરેક નિર્ણયમાં તેમનો સાથ આપશે, જેનાથી પોલિટિકલ ફંડિંગમાં સુધાર અને પારદર્શકતા આવતી હોય.
મનિષ તિવારીએ કહ્યું, માત્ર શબ્દોની માયાજાળ
તો બીજી બાજુ કોંગ્રેસ નેતા અને ભૂતપૂર્વ કેન્દ્ર મંત્રી મનિષ તિવારીએ કહ્યું કે, આ બજેટ માત્ર શબ્દોની માયાજાળ છે. બજેટમાં યુવાઓને રોજગાર આપવા અંગે કોઇ ખાસ ઘોષણા કરવામાં આવી નથી, ન તો રેલવેને ખાસ મહત્વ અપાયું છે. આ બેજટથી યોજનાઓને પ્રોત્સાહન આપવામાં સરકારના ખર્ચમાં વધારો થશે.'
Click it and Unblock the Notifications
Sign in with Google
