Buldhana Accident: બુલઢાણામાં એક્સપ્રેસવે પર બસમાં લાગી આગ, ભીષણ દૂર્ઘટનામાં 26 મુસાફરોના મોત

Updated: Saturday, July 1, 2023, 9:05 [IST]

Maharashtra Buldhana Accident: મહારાષ્ટ્રના બુલઢાણામાં એક ભયાનક માર્ગ અકસ્માતના સમાચાર સામે આવી રહ્યા છે. બુલઢાણા પોલીસના જણાવ્યા અનુસાર, બુલઢાણામાં સમૃદ્ધિ મહામાર્ગ એક્સપ્રેસ વે પર બસમાં આગ લાગવાથી 26 લોકોના મોત થયા છે. મરનારના ત્રણ બાળકો પણ સામેલ છે.

બુલઢાણાના ડેપ્યુટી એસપી બાબુરાવ મહામુનીએ જણાવ્યું હતું કે, બુલઢાણામાં સમૃદ્ધિ મહામાર્ગ એક્સપ્રેસ વે પર 33 મુસાફરોને લઈ જતી બસમાં આગ લાગતાં ઓછામાં ઓછા 26 લોકોનાં મોત થયાં હતાં અને અનેક લોકો ઘાયલ થયાં હતાં.

ઇજાગ્રસ્તોને બુલઢાણા સિવિલ હૉસ્પિટલમાં સારવાર માટે દાખલ કરવામાં આવ્યા છે. આ ઘટના શનિવારે રાત્રે લગભગ 2 વાગ્યાની આસપાસ બની હતી. જણાવવામાં આવી રહ્યું છે કે બસમાંથી આઠ મુસાફરોને સુરક્ષિત બહાર કાઢવામાં આવ્યા છે. જેઓ સુરક્ષિત રીતે બચી ગયા તેમાં ડ્રાઈવરનો પણ સમાવેશ થાય છે.

બુલઢાણાના એસપી સુનિલ કડાસેને જણાવ્યું કે, "બસમાં કુલ 33 લોકો મુસાફરી કરી રહ્યા હતા, જેમાંથી 26 લોકોના મોત થયા અને 8 લોકો ઘાયલ થયા. બસનો ડ્રાઈવર બચી ગયો અને તેણે કહ્યું કે ટાયર ફાટ્યા બાદ બસ પલટી ગઈ, જેના કારણે બસમાં આગ લાગી.

Maharashtra | A total of 33 people were travelling on the bus out of which 25 people died and 8 people sustained injuries. The driver of the bus also survived and said that the bus overturned after a tyre burst leading to flames in the bus: Buldhana SP Sunil Kadasane
— ANI (@ANI) July 1, 2023

બુલઢાણાના એસપી સુનીલ કડાસેને જણાવ્યું હતું કે, "બસ નાગપુરથી પુણે જઈ રહી હતી ત્યારે લગભગ 1:30 વાગે અકસ્માત થયો હતો. ડ્રાઇવરે જણાવ્યું કે ટાયર ફાટવાને કારણે આ અકસ્માત થયો હતો, જેના કારણે બસમાં આગ લાગી હતી. બાદમાં કારની ડીઝલ ટાંકીમાં આગ લાગી હતી. મૃતકોમાં ત્રણ બાળકો અને બાકીના પુખ્ત વયના છે. અકસ્માતનું ચોક્કસ કારણ હજુ સુધી જાણી શકાયું નથી.

આ પેસેન્જર બસ નાગપુરથી પુણે જઈ રહી હતી ત્યારે આ અકસ્માત થયો હતો. સ્થાનિક અહેવાલો અનુસાર, બસ વિદર્ભ ટ્રાવેલ્સની હતી. સિંદખેડ રાજા નજીક પિંપલખુટા ગામ પાસે સમૃદ્ધિ મહામાર્ગ એક્સપ્રેસ વે પર બસ રોડ ડિવાઈડર સાથે અથડાઈ હતી. જે બાદ બસમાં આગ લાગી હતી.

પોલીસ અને સ્થળ પર હાજર લોકોના જણાવ્યા અનુસાર, બસ પહેલા નાગપુર-ઔરંગાબાદ રોડની જમણી બાજુના લોખંડના પોલ સાથે અથડાઈ અને પછી ડિવાઈડર સાથે અથડાઈ.

Maharashtra | At least 25 people feared dead and several injured after a bus carrying 32 passengers burst into flames on Samruddhi Mahamarg expressway in Buldhana. The injured are being shifted to Buldhana Civil Hospital: Dy SP Baburao Mahamuni, Buldhana

(Warning: Disturbing… pic.twitter.com/NLo8pcqpz3
— ANI (@ANI) July 1, 2023