સસ્તા અનાજની જેમ સસ્તી દવાની દુકાનો શરૂ થશે

Updated: Monday, February 9, 2015, 16:08 [IST]

નવી દિલ્હી, 6 ઓગસ્ટ : વર્તમાન કેન્દ્ર સરકાર વધતી જતી મોંઘવારીને ડામવામાં નિષ્ફળ રહી છે. મોંઘી બનતી સ્વાસ્થ્ય સેવાઓને કારણે પણ લોકો મુશ્કેલી અનુભવી રહ્યા છે. હવે મધ્યમ અને નીચલા વર્ગને સરળતાથી જરૂરી દવાઓ સસ્તા દરે મળી રહે તે માટે સરકાર દેશમાં સસ્તી દવાની દુકાનો ખોલવાનું આયોજન કરી રહી છે.

સસ્તા અનાજની દુકાનો એટલે કે રેશનિંગની દુકાનીની જેમ સસ્તી દવાની દુકાનો શરૂ કરવામાં આવશે. દેશના વિવિધ વિભાગોમાં આવેલા હેલ્થ સેન્ટરના લોકો દ્વારા સસ્તી દવાઓ મળી શકે તે માટે ત્રણ દિવસનો ઈનોવેટિવ પ્રેક્ટિસ ઈન હેલ્થનો કાર્યક્રમ રાખ્યો છે. આ કાર્યક્રમ છત્તીસગઠમાં સીએએના સીઆઈપીએસ, હૈદરાબાદના સહયોગથી રાખવામાં આવ્યો છે.

છત્તીસઢના અગ્રણી અધિકારી અને સીએએના ડિરેક્ટર ડી એસ મિશ્રાએ કાર્યક્રમના ઉદ્ઘાટન સમયે જણાવ્યું હતું કે લોકોને એક રૂપિયા એન બે રૂપિયાના ભાવમાં ચોખા અને ઘઉં મળી શકતા હોય તો લોકાને સસ્તા દરે દવાઓ પણ મળી શકે તેવા પ્રયત્નો કરવા જોઈએ.

પશ્ચિમ બંગાળમાં જ્યાં લોકોને જેનેરિક દવાઓની જરૂર પડે છે ત્યાં સરકાર દ્વારા હોસ્પિટલોમાં સસ્તા ભાવની દવાઓ આપવાની શરૂઆત કરી દીધી છે. ડી એસ મિશ્રાના જણાવ્યાં પ્રમાણે લોકાને સસ્તા ભાવે દવા આપવી એ સરકાર દ્વારા લેવામાં આવેલુ બહુ મોટુ પગલુ માનવામાં આવશે.

તેમણે જણાવ્યું છે કે, ખાદ્ય સુરક્ષાની જેમ જ લોકોને સ્વાસ્થય સુરક્ષામાં પણ લાવવા જોઈએ. છત્તીસગઢની સરકાર દ્વારા ગ્રામીણ મહિલા સ્વાસ્થય કર્મી યોજના શરૂ કરવામાં આવી છે, જે દેશ માટે મોડલ બની શકે છે.