ભારતીય સરહદની પાસે પાકિસ્તાની સૈનિકોને ટ્રેનિંગ આપી રહ્યું ચીન

ચીનની સેના પાકિસ્તાનના સૈનિકોને જમ્મૂ-કાશ્મીરની પાર ભારતીય સરહદ પાસે ટ્રેનિંગ આપી રહ્યું છે. દેશની સુરક્ષા એજંસીઓએ એક રિપોર્ટમાં એ જાણકારી આપી છે. બીએસએફની ગુપ્તચર શાખાએ આ રિપોર્ટ તૈયાર કર્યો છે.

રિપોર્ટ અનુસાર ચીનની સેના પાકિસ્તાનના સૈનિકોને હથિયાર સંભાળવા અને ચલાવવાની ટ્રેનિંગ આપી રહ્યું છે. આ ટ્રેનિંગ રાજૌરી સેક્ટરની પાસે આંતરરાષ્ટ્રીય સરહદની પેલે પાર મુખ્ય રક્ષા ચોકીઓ પર થઇ રહી છે. અત્રે સામાન્ય રીતે સરહદી રક્ષક દળ બંદોબંસ્તમાં હોય છે.

બીએસએફ દ્વારા કરવામાં આવેલ શરૂઆતી વિશ્લેષણ અનુસાર, શ્રીગંગાનગર સેક્ટરની પાસે પણ પાકિસ્તાની રેંજર્સના સ્થાને સૈનિકો ગયા છે. આ અનુસાર, પંજાબના અબોહર અને ગુરદાસપુર સેક્ટરની પાર પાકિસ્તાને નવી દેખરેખ ચોકિયો કાયમ કરી લીધી છે. સરહદ પારથી પકડવામાં આવેલ ફોન સંદેશ બતાવે છે કે ભારતીય સૈનિકોને નિશાનો બનાવવા માટે પાકિસ્તાન સ્નાઇપર્સ અને શાર્પ શૂટર ખડેપગે કરવાનું વિચારી રહ્યા છે.

આંતરરાષ્ટ્રીય સરહદ અને નિયંત્રણ રેખા પર કેટલાંક ખાસ સ્થળો પર પાકિસ્તાની સેનાના કમાંડોના વિશેષ દળને પણ ગોઠવણી કરવામાં આવી છે, જે છાપો મારી શકે છે અને બોર્ડર એક્શન ટીમ ભારતીય વિસ્તારમાં હુમલો કરી શકે છે.

ગુપ્ત શાખાનું એવું પણ કહેવું છે કે પાકિસ્તાનના સિયાલકોટમાં આતંકવાદીઓના એક મોટા જૂથની ખબર પડી છે, જે જમ્મુ-કાશ્મીરમાં વિધાનસભા ચૂંટણી દરમિયાન ઘુસણખોરી કરવાનું ષડયંત્ર રચી રહ્યા છે. તેને આંતરરાષ્ટ્રીય સરહદ અથવા નિયંત્રણ રેખાની સમીપ આતંકવાદીઓ માટે ઘુસણખોરી માટે કેટલાંક લોંચ પેડની જાણ થઇ.

રિપોર્ટ અનુસાર ભારત પાકિસ્તાની સરહદ છેલ્લા ઘણા સમયથી શાંત પરંતુ તણાવપૂર્ણ છે. છેલ્લા ઘણા મહીનામાં ત્યાં ઘણી વાર સીઝફાયર ઉલ્લંઘનની ઘટનાઓ સામે આવી છે.

બીએસએફની આ શાખા કહે છે કે ગુજરાતની નજીક સરક્રીક વિસ્તારમાં ભારત પાકિસ્તાન સરહદ પાસે લગભગ 25 ભારતીય નૌકાદળો અને 155 માછીમારોને આ સિઝનમાં પાકિસ્તાનના સમુદ્રી પ્રશાસને પકડ્યા હતા.

English summary

China training Pakistani Army along border with India: Report