ભારતીય સીમામાં ઘુસ્યા ચીનના બે હેલિકોપ્ટર

નવી દિલ્હી, 15 જુલાઇઃ ભારતીય સીમામાં લદાખ ક્ષેત્રમાં ચીની સૈનિકોની દબંગાઇ યથાવત છે. એક તરફ ચીન, ભારતની સીમાં પર શાંતિ વ્યવસ્થા બનાવી રાખવાની વાતો કરે છે, તો બીજી તરફ પોતાના જ વચનોનું ઉલ્લંઘન કરે છે. આ ત્રીજીવાર બન્યુ છે કે, જ્યારે ચીનની સેના પીપુલ્સ લિબરેશન આર્મીએ ભારતીય સીમામાં ઘુષણખોરી કરી છે. માહિતી અનુસાર 11 જુલાઇએ ચીની સેનાના બે હેલિકોપ્ટર લદાખના ચુમાર સેક્ટરમાં ઘુસી ગયા અને ભારતીય વાયુ સીમાનું ઉલ્લંઘન કર્યું.

આ પહેલા ચીની સૈનિકો લદાખના દોલત બેગ ઓલ્ડી સેક્ટરમાં 20 કિમી સુધી અંદર આવી ગઇ હતી અને પોતાના ટેન્ટ લગાવ્યા હતા. ત્યારબાદ ભારતીય સૈનિકોએ બંકર હટાવ્યા બાદ જ તેમણે એ ક્ષેત્ર છોડ્યું. બીજીવાર ચીને સીમા ઉલ્લંઘન 17 જૂને કર્યું, જ્યારે ચીની સૈનિક ભારતીય સીમાની અંદર આવી ગઇ અને તેમણે ભારતીય સેનાની દેખરેખની કમર તોડી નાંખી અને એક બંકરને પણ નષ્ટ કરી નાંખ્યું.

સૂત્રોએ જણાવ્યા પ્રમાણે સેનાના હેલિકોપ્ટર ભારતીય ક્ષેત્રોની રેકી કરવા આવ્યા હતા જે થોડોક સમય ઉડાન ભર્યા બાદ પરત જતા રહ્યાં. બીજી તરફ સેનાના સૂત્રોએ કહ્યું છે કે ચીની હેલિકોપ્ટર ભારતીય સીમામાં ઘુસ્યા નહોતા પરંતુ સીમાની નજીક થઇને ઉડ્યા હતા. સેનાએ આ ઘટનાને વધું મહત્વ આપ્યું નથી.

English summary

Two Chinese Army helicopters violated Indian airspace on July 11 in the Chumar sector in Ladakh, days after their soldiers intruded and took away an Indian surveillance camera.