Maharashtra assembly election 2024: મહારાષ્ટ્રમાં મહાયુતિમાં બેઠકો અંગે ઘર્ષણ, ભાજપ નેતાએ કર્યો ખુલાસો
Maharashtra assembly election 2024: મહારાષ્ટ્ર વિધાનસભા ચૂંટણીની તારીખો ટૂંક સમયમાં જાહેર થઈ શકે છે. હાલ તમામ રાજકીય પાર્ટીઓ ચૂંટણી પ્રચાર અને રણનીતિ બનાવવામાં જોડાઈ ગઈ છે.
આવા સમયે મહારાષ્ટ્રમાં મહાયુતિ ગઠબંધન સત્તા પર છે, જ્યારે મહાવિકાસ અઘાડી ગઠબંધન વિપક્ષમાં છે.
હાલ એવી ચર્ચા થઈ રહી છે કે, આ બંને ગઠબંધનમાં બેઠકોની વહેંચણી અંગે ઘર્ષણ ચાલી રહ્યું છે. આ અંગે રોજ નવા ખુલાસા થતા રહે છે.
બેઠક વહેંચણીનું કોંકડુ એટલું ગુચવાઈ રહ્યું છે કે, ગઠબંધનમાં ભંગાણ આવે તેવી શક્યતાઓ પણ સેવાઈ રહી છે.
મુંબઈ ભાજપના અધ્યક્ષ આશિષ શેલાર દ્વારા જણાવવામાં આવ્યું હતું કે, મહારાષ્ટ્રના મહાયુતિ સહયોગીઓ વચ્ચે 208 બેઠકો પર સીટ વહેંચણીની ફોર્મ્યુલા નક્કી કરવામાં આવી છે.
બાકીની 80 સીટો પર સીટની વહેંચણીને લઈને ભાજપ, શિવસેના અને એનસીપીના મહાગઠબંધનમાં વાતચીત ચાલી રહી છે.
મહારાષ્ટ્રની બાકીની 208 બેઠકો પર બેઠક વહેંચણીને ત્રણેય પક્ષોના ધારાસભ્યોનું સમર્થન છે, આ વિધાનસભા ક્ષેત્રો પર ચર્ચાની કોઈ જરૂર નથી. 288 સભ્યોની વિધાનસભા માટે સીટોની વહેંચણીની સત્તાવાર જાહેરાત ટૂંક સમયમાં કરવામાં આવશે.
આશિષ શેલાર સ્પષ્ટપણે જણાવ્યું હતું કે, 208 ધારાસભ્યોના સમર્થન સાથે, ચર્ચા બાકીની 80 બેઠકોની વહેંચણી પર ધ્યાન કેન્દ્રિત કરશે.
ઉલ્લેખનીય છે કે, આશિષ શેલાર દ્વારા વિધાનસભા ચૂંટણી પહેલા વિપક્ષી ગઠબંધન મહા વિકાસ અઘાડીમાં ભાગલા થવાની પણ આગાહી કરવામાં આવી હતી. MVAમાં કોંગ્રેસ, NCP SP અને શિવસેના UBTનો સમાવેશ થાય છે.
કેન્દ્રીય ગૃહ પ્રધાન અમિત શાહ, જે ભાજપના મુખ્ય ચૂંટણી વ્યૂહરચનાકાર છે, મંગળવારે રાત્રે છત્રપતિ સંભાજીનગરમાં મુખ્યમંત્રી એકનાથ શિંદે અને નાયબ મુખ્ય પ્રધાનો દેવેન્દ્ર ફડણવીસ અને અજિત પવારને મળ્યા હતા.
જોકે, મીટિંગની વિગતો જાહેર કરવામાં આવી નથી, શિંદેએ તેને સકારાત્મક ગણાવ્યું અને સરળ પ્રગતિનો સંકેત આપ્યો હતો. બેઠકોની વહેંચણી અંગે પૂછવામાં આવતા શિંદેએ ખાતરી આપી હતી કે, ટૂંક સમયમાં નિર્ણય લેવામાં આવશે.
એનસીપીનું નેતૃત્વ કરી રહેલા અજિત પવારે તેમની પાર્ટીના કાર્યકારી પ્રમુખ પ્રફુલ પટેલ સાથે બેઠકમાં હાજરી આપી હતી.
ગત અઠવાડિયે, મહારાષ્ટ્ર ભાજપના વડા ચંદ્રશેખર બાવનકુલેએ ઉલ્લેખ કર્યો હતો કે, મહાયુતિના ઘટકો 288 વિધાનસભા બેઠકોમાંથી 70 થી 80 ટકા પર સહમત છે.
મહારાષ્ટ્રમાં લોકસભા ચૂંટણીમાં સત્તાધારી મહાયુતિ ગઠબંધનને 48માંથી માત્ર 17 બેઠકો મળી હતી. તેનાથી વિપરીત, MVA 30 સંસદીય મતવિસ્તારોમાં વિજયી બન્યું હતું. આ ચૂંટણી પ્રદર્શન મહાયુતિમાં બેઠકોની વહેંચણી પર પ્રભુત્વ ધરાવે છે.
Click it and Unblock the Notifications
Sign in with Google
