કોંગ્રેસી નેતાએ હકના બદલે મહિલાને આપી મોતની સજા
પ્રાપ્ત માહિતી અનુસાર રાશનની દુકાનને લઇને કોંગ્રેસ નેતા અબ્દુલ વાહીદ અને નિર્મલા વચ્ચે વિવાદ ચાલી રહ્યો હતો. નિર્મલાએ પોતાની દુકાન તેને ચલાવવા આપી હતી પરંતુ હવે તે દુકાન પાછી માંગી રહી હતી. અબ્દુલે દુકાન પાછી આપવાનો ઇનકાર કરી દીધો હતો. અને સાથે સાથે તેણે નિર્મલાને જાનથી મારી નાખવાની ધમકી પણ આપી હતી.
આરોપ છે મંગળવારે નિર્મલા જ્યારે ઘરની બહાર નીકળી ત્યારે અબ્દુલે તેના પર ટ્રેક્ટર ચડાવી દીધું હતું, અબ્દુલ અને તેના સાથીયોએ વારંવાર તેના પર ટ્રેક્ટર ચડાવીને તેને મોતને ઘાટ ઉતારી દીધી.
આ ઘટનાના કારણે સમગ્ર વિસ્તારમાં ચકચાર મચી જવા પામી છે. સ્થાનીય લોકો અને નિર્મળાના સંબંધીઓએ મૃતદેહને રસ્તા પર જ રાખી પ્રદર્શન શરૂ કરી દીધું છે. પોલીસે આ મામલે ત્રણ આરોપીઓની ધરપકડ કરી છે. જ્યારે મુખ્ય આરોપી અબ્દુલ હજી ફરાર છે.
Click it and Unblock the Notifications
Sign in with Google
