ભારતમાં 7 લાખથી વધુ થઈ કોરોના પૉઝિટીવ કેસોની સંખ્યા

24 કલાકમાં કોરોના વાયરસના 22,252 નવા કેસ સામે આવ્યા છે અને 467 દર્દીઓના મોત થયા છે.

Updated: Tuesday, July 7, 2020, 11:58 [IST]

દેશમાં કોરોના વાયરસ(કોવિડ-19)નો કહેર યથાવત છે. આરોગ્ય તેમજ પરિવાર કલ્યાણ મંત્રાલય અનુસાર દેશમાં છેલ્લા 24 કલાકમાં કોરોના વાયરસના 22,252 નવા કેસ સામે આવ્યા છે અને 467 દર્દીઓના મોત થયા છે. હવે કોવિડ-19 કેસોનો આંકડો 7 લાખને પાર પહોંચી ગયો છે. દેશમાં કોરોના પૉઝિટીવ કેસોની કુલ સંખ્યા 7,19,665 થઈ ગઈ છે જેમાં 2,59,557 સક્રિય કેસ, 4,39,948 રિકવર/ડિસ્ચાર્જ/વિસ્થાપિત કેસો અને 20,160 મોત શામેલ છે.

2,41,430 સેમ્પલના ટેસ્ટ સોમવારે કરવામાં આવ્યા

આરોગ્ય અને પરિવાર કલ્યાણ મંત્રાલય અનુસાર ઘણા રાજ્યોમાં કોવિડ-19 પૉઝિટીવ દર રાષ્ટ્રીય સરેરાશ 6.73 ટકાથી પણ ઓછો રિપોર્ટ નોંધવામાં આવ્યો છે. તેમના પ્રત્યે મિલિયન ટેસ્ટ પણ રાષ્ટ્રીય સરેરાશથી વધુ છે. વળી, ભારતીય ચિકિત્સા અનુસંધાન પરિષદ(ICMR)એ કહ્યુ કે 6 જુલાઈ સુધી કુલ 1,02,11,092 સેમ્પલનો ટેસ્ટ કરવામાં આવ્યો જેમાંથી 2,41,430 સેમ્પલના ટેસ્ટ સોમવારે કરવામાં આવ્યા છે.

ક્યાં કેટલા કેસ?

ઝારખંડમાં 39 નવા કેસ નોંધવામાં આવ્યા છે. અહીં કુલ પૉઝિટીવ કેસોની સંખ્યા 2854 અને મરનારની સંખ્યા 20 થઈ ગઈ છે. રાજસ્થાનમમાં 524 નવા કોરોના કેસ અને પાંચ મોત રિપોર્ટ થયા છે. કુલ કેસોની સંખ્યા 20,688 અને મરનારની સંખ્યા 461 થઈ ગઈ છે. સક્રિય કેસોની સંખ્યા 3,949 છે. વળી, ગુજરાતમાં કોવિડ-19ના 735 પૉઝિટીવ કેસ અને 17 મોત નોંધાયા છે. રાજ્યની રેલી 36,858 સુધી વધી ગઈ જેમાં 26,323 રિકવર/ડિસ્ચાર્જ અને 1962 મોત શામેલ છે.

દિલ્લીમાં છેલ્લા 24 કલાકમાં 1379 નવા કેસ

રાજધાની દિલ્લીમાં છેલ્લા 24 કલાકમાં 1379 નવા કેસ સામે આવ્યા બાદ કુલ કેસોએ 1 લાખનો આંકડો પાર કરી લીધો છે. કુલ કેસોની સંખ્યા 1,00,823 થઈ ગઈ છે જેમાં 72,088 રિકવર અને 25,620 સક્રિય કેસ શામેલ છે. અહીં એક દિવસમાં 48 લોકોના મોત બાદ મૃત્યુ દર 3115 પર છે. ઉત્તર પ્રદેશમાં 933 નવા પૉઝિટીવ કેસ સામે આવ્યા છે. અહીં 24 કલાકની અંદર 348 લોકોને ડિસ્ચાર્જ કરવામાં આવ્યા છે અને 24 મોત નોંધવામાં આવ્યા છે. હવે અહીં કુલ સક્રિય કેસોની સંખ્યા 8718 છે. જેમાં કુલ ડિસ્ચાર્જ 19109 અને મરનાર લોકોની કુલ સંખ્યા 809 થઈ ગઈ છે.