ભારત પર કલંક: વિદેશી મહિલાનું જીન્સ પણ ઉતારીને લઇ ગયા નરાધમો
નવી દિલ્હી, 16 જાન્યુઆરી: દિલ્હીના દિલ સમાન કનોટ પ્લેસની પાસે ખુલ્લેઆમ 7-8 નરાધમોએ ત્રણ કલાક સુધી વિદેશી મહિલાની આબરુ સાથે રમતા રહ્યા. પરંતુ દિલ્હી પોલીસ અને રેલવે પોલીસને આ ઘટનનાનો કોઇ અણસાર સુધ્ધા આવ્યો નહી. ગણતંત્ર દિવસને પગલે દિલ્હી પોલીસ રાજધાનીમાં કડક સુરક્ષા વ્યવસ્થાનો દાવો કરી રહી છે.
પરંતુ મંગળવારે બનેલી આ ઘટનાએ પોલીસના દાવાઓને પોકળ સાબિત કરી દીધા છે. જે સ્થળે આ ઘટના ઘટી ત્યાં રેલવે અધિકારીઓનું ક્લબ છે. સૂત્રોના જણાવ્યા અનુસાર સૂમસામ વિસ્તાર હોવાના કારણે અવારનાર અત્રે આવી ઘટનાઓ ઘટતી રહે છે. તેમ છતાં લોકલ પોલીસ અને રેલવે પોલીસ અત્રેની સુરક્ષા વ્યવસ્થા પર કોઇ ધ્યાન આપી રહ્યા નથી.
આ ઘટના દરમિયાન આરોપીઓએ મહિલાના વિરોધ કરવા પર તેની સાથે મારજૂડ પણ કરી. પીડિતાએ જણાવ્યું કે તેણે મદદ માટે ખૂબ જ બૂમો પણ પાડી પરંતુ કોઇ પણ તેની મદદ કરવા માટે સામે આવ્યું નહીં. પોલીસે જણાવ્યું કે આરોપીઓએ મહિલાએ પહેરેલી જીન્સ પણ ઉતારીને લઇ ગયા.
ઘટનાસ્થળથી લગભગ 500 મીટર પહેલા કનોટ પ્લેસના આઉટર સર્કલ પર પોલીસ બૂથ આવેલું છે. પરંતુ પોલીસના કડક વલણના કારણે તે આ ઘટનાનો શિકાર થઇ ગઇ. પોલીસે સુરક્ષામાં વધારો કર્યો હોત તો આ ઘટના ઘટી ના હોત અને ભારત પર મહેમાનો સાથે આવો દૂર્વ્યવહાર કરવાનું કલંક લાગતું નહીં.