16 વર્ષના કિશોરે 17 વર્ષીય છોકરાને 350 રુપિયા માટે 60 વાર ચપ્પૂના ઘા મારી કરી હત્યા, CCTV વીડિયો વાયરલ
Delhi Young Boy Stabbed: દિલ્હીમાં ફરી એકવાર હૃદય હચમચાવી દે તેવી ઘટના સામે આવી છે. દિલ્હીમાં એક 16 વર્ષના કિશોરે 17 વર્ષના છોકરાને ઓછામાં ઓછા 60 વાર છરીના ઘા મારીને મારી નાખ્યો છે. આ ઘટનાનો સીસીટીવી વીડિયો પણ સામે આવ્યો છે.
આ ઘટના 21 નવેમ્બરની રાતે બની હતી અને ઉત્તર-પૂર્વ દિલ્હીના વેલકમ વિસ્તારમાં બની હતી. તમને જાણીને નવાઈ લાગશે કે આ આખી ઘટના માત્ર 350 રૂપિયાની બિરયાની માટે બની હતી.
અહેવાલો અનુસાર, એક 16 વર્ષના છોકરાએ 17 વર્ષીય યુવકને 60 વાર ચાકુના ઘા મારી તેની ગરદન કાપવાનો પ્રયાસ કર્યો, તેના માથા પર લાત મારી અને તેના લોહીથી લથપથ શરીરને ઉત્તરપૂર્વ દિલ્હીના વેલકમ વિસ્તારમાં એક સાંકડી ગલીમાં ખેંચીને તેની હત્યા કરી.
દિલ્હી પોલીસે જણાવ્યું કે આ ઘટના સીસીટીવી કેમેરામાં કેદ થઈ ગઈ છે. આરોપી છોકરાની ધરપકડ કરવામાં આવી છે. દિલ્હી પોલીસે જણાવ્યું હતું કે શંકાસ્પદ, 16 વર્ષીય છોકરાને બુધવારે (22 નવેમ્બર) સવારે પકડવામાં આવ્યો હતો અને તેની સામે હત્યાનો કેસ નોંધવામાં આવ્યો હતો.
સત્તાવાળાઓએ પુષ્ટિ કરી કે મંગળવાર (21 નવેમ્બર) રાતે બનેલી હત્યા સમયે 16 વર્ષીય છોકરો દારૂના નશામાં હતો. તે તેના માતા-પિતા સાથે રહે છે. આરોપી ભણતો નથી અને તેણે શાળા છોડી દીધી છે.
આરોપી અને મૃતક બંને મજૂર છે અને એકબીજાને ઓળખતા નથી. પીડિતની ઓળખ જાફરાબાદના રહેવાસી તરીકે થઈ છે, જ્યાં તે તેની માતા સાથે રહેતો હતો, જે ઘરેલુ નોકર છે. પોલીસે તે સગીર હોવાનો તર્ક આપીને પીડિતનું નામ જાહેર કર્યું ન હતું.
રિપોર્ટ અનુસાર પોલીસે કહ્યું કે બંને એકબીજાને ઓળખતા નથી. આરોપી છોકરાએ વેલકમ વિસ્તારની જનતા મજૂર કોલોનીમાં પીડિતનો સંપર્ક કર્યો અને તેની પાસેથી બિરયાની ખરીદવા માટે 350 રૂપિયા માંગ્યા. જ્યારે છોકરાએ ના પાડી, ત્યારે 16 વર્ષના યુવકે તેને લૂંટવાનો પ્રયાસ કર્યો, જેના કારણે ઝપાઝપી થઈ. પોલીસે જણાવ્યું હતું કે શંકાસ્પદ વ્યક્તિએ પછી પીડિતનું ગળું દબાવી દીધું, તેને બેભાન કરી દીધો અને તેના પર છરી વડે હુમલો કર્યો.
આ હત્યા અંગે નોર્થ ઈસ્ટ ડીસીપી જૉય ટિર્કીએ કહ્યુ કે, અમને માહિતી મળી હતી કે એક છોકરાને ચાકુ મારવામાં આવ્યું છે. ઘાયલને હૉસ્પિટલમાં લઈ જવામાં આવ્યો, જ્યાં તેને મૃત જાહેર કરવામાં આવ્યો. સીસીટીવી ફૂટેજની તપાસ કરવામાં આવી અને આરોપીની ઓળખ થઈ હતી.
તેમણે વધુમાં ઉમેર્યુ કે તે 16 વર્ષનો છોકરો છે. વપરાયેલ છરી પણ મળી આવી છે. હેતુ લૂંટનો હતો. આરોપી પૈસાની ચોરી કરવાનો પ્રયાસ કરી રહ્યો હતો. જ્યારે પીડિતે વિરોધ કર્યો ત્યારે પહેલા તેનું ગળું દબાવવામાં આવ્યું અને પછી ચાકુ મારવામાં આવ્યું. અમે હત્યાનો કેસ નોંધ્યો છે. વધુ તપાસ ચાલુ છે.
#WATCH | Delhi: On an incident of a young boy being stabbed to death in the Welcome area, Joy Tirkey, DCP, North East, says, "...We got information that a boy has been stabbed...The injured was taken to the hospital, where he was declared brought dead...CCTV footages were checked… pic.twitter.com/zonQz2ijU7
— ANI (@ANI) November 22, 2023
Click it and Unblock the Notifications
Sign in with Google
