રાજકારણ v/s સોશિયલ મીડિયા: કોબરા પોસ્ટનો ખુલાસો, પૈસાથી ખરીદવામાં આવે છે Likes
નવી દિલ્હી, 29 નવેમ્બર: સોશિયલ મીડિયા પર કેટલીક આઇટી કંપનીઓ નેતાઓને પ્રખ્યાત અને બદનામ કરવાનું કામ કરે છે. તેના માટે તે તેમની પાસેથી ભારેખમ રકમ વસૂલે છે. આ ખુલાસો 'કોબરા પોસ્ટ' નામની એક વેબસાઇટે સ્ટિંગ ઓપરેશનના માધ્યમથી કર્યો છે અને તે આઇટી કંપનીઓનો પર્દાફાશ કર્યો છે.
ઓપરેશન 'બ્લૂ વાયરસ' નામના આ સ્ટિંગ ઓપરેશનમાં લગભગ બે ડઝન એવી કંપનીઓનો ભાંડો ફોડ્યો છે. જે સોશિયલ મીડિયાના માધ્યમથી લોકોને બદનામ અને નામચીન કરવા માટે ભારેખમ રકમ વસૂલે છે.
આ ખુલાસામાં દાવો કરવામાં આવ્યો છે કે આઇટી કંપનીઓ દ્વારા આ કામ નેતાઓ દ્વારા કરવામાં આવે છે જેથી ચૂંટણીમાં તેમને તેનો ફાયદો મળી શકે. એવી આઇટી કંપનીઓ ઉપલબ્ધ છે જે ફેસબુક, ટ્વિટર અને બીજી સોશિયલ નેટવર્કિંગ સાઇટ્સના માધ્યમથી લોકોને બદનામ અથવા પ્રખ્યાત કરવા માટે લાખ રૂપિયાથી માંડીને કરોડો રૂપિયા સુધી વસૂલે છે.
સ્ટિંગ ઓપરેશન દરમિયાના ખુલાસો કરવામાં આવ્યો હતો કે આ કામ માટે આ આઇટી કંપનીઓ બનાવટી ફેસબુક પેજ બનાવીને તેમને પોતાના કર્મચારી દ્વારા લાઇક કરાવે છે અથવા પછી લાઇક્સ ખરીદે છે. કંપનીઓએ એક વાયરસની મદદથી લાઇક્સ વધારવાનો પણ પ્રસ્તાવ રાખ્યો છે. સ્ટિંગ મુજબ આ વાયરસ માધ્યમથી ફેસબુક અને ટ્વિટર ફેન્સની સંખ્યા અનેકગણી વધારી શકાય છે.
Click it and Unblock the Notifications
Sign in with Google
