Earthquake in delhi: સવાર-સવારમાં દિલ્હી-NCRમાં 4ની તીવ્રતાના ભૂકંપના આંચકા, લોકો ઘર છોડીને ભાગ્યા

દિલ્હીમાં ગઈકાલે જ 16 ફેબ્રૂઆરી 2025ના રોજ દિલ્હી રેલવે સ્ટેશન પર ભાગદોડ મચી ગઈ હતી અને ઘણાં લોકોના મોત થયા હતા ત્યારે આજે એટલે કે 18 ફેબ્રૂઆરીને સોમવારેના રોજ દિલ્હી-એનસીઆરના આસપાસના વિસ્તારમાં ભૂંકપના આંચકા અનુભવાયા હતા. ભૂકંપની તીવ્રતા રિક્ટર સ્કેલ પર 4.0 માપવામાં આવી હતી.

રાષ્ટ્રીય ભૂકંપ કેન્દ્ર અનુસાર ભૂકંપ સોમવારે સવારે 5.36 વાગ્યે આવ્યો હતો, જેનું કેન્દ્રબિંદુ ધૌલા કુઆન નજીક હતું. દિલ્હી, નોઈડા, ગ્રેટર નોઈડા અને ગાઝિયાબાદ સહિત ઘણા વિસ્તારોમાં ભૂકંપના જોરદાર આંચકા અનુભવાયા હતા.

ભૂકંપના આંચકા ખૂબ જ જોરદાર હતા, જેના કારણે લોકો પોતાના ઘરની બહાર નીકળી આવ્યા હતા. જોકે, હજુ સુધી કોઈ જાનમાલના નુકસાનના સમાચાર નથી.

ઉત્તર પ્રદેશના મુરાદાબાદ, સહારનપુર, મથુરા અને આગ્રા જેવા ઘણા શહેરોમાં પણ ભૂકંપના આંચકા અનુભવાયા હતા. હરિયાણાના કુરુક્ષેત્ર, હિસાર અને કૈથલમાં પણ લોકોએ ભૂકંપના આંચકા અનુભવ્યા.

દિલ્હી એનસીઆરમાં આવેલા ભૂકંપ પછી દિલ્હી પોલીસ તાત્કાલિક કાર્યવાહીમાં આવી ગઈ અને એક હેલ્પલાઇન નંબર જારી કર્યો. કોઈપણ કટોકટી માટે લોકો 112 નંબર પર સંપર્ક કરી શકે છે.

પોલીસે લોકોને શાંતિ જાળવવા અપીલ કરી છે અને કોઈપણ પ્રકારની અફવાઓ પર ધ્યાન ન આપવાની સલાહ આપી છે.

દિલ્હીના મુખ્યમંત્રી અરવિંદ કેજરીવાલે પણ ટ્વીટ કરીને લોકોની સલામતી માટે પ્રાર્થના કરી છે. તેમણે કહ્યું કે તેઓ દરેક પરિસ્થિતિ પર નજર રાખી રહ્યા છે અને કોઈપણ પ્રકારની મદદ કરવા તૈયાર છે.

#WATCH | A 4.0-magnitude earthquake jolted the national capital and surrounding areas | A passenger awaiting his train at New Delhi railway station says, "I was in the waiting lounge. All rushed out from there. It felt as if some bridge had collapsed..." pic.twitter.com/I5AIi31ZOd

— ANI (@ANI) February 17, 2025

વહીવટી અધિકારીઓ પણ પરિસ્થિતિનો તાગ મેળવી રહ્યા છે અને નુકસાનનું મૂલ્યાંકન કરવામાં વ્યસ્ત છે. ભૂકંપના આંચકા બાદ લોકોમાં ભયનો માહોલ છે, પરંતુ વહીવટીતંત્રે લોકોને ખાતરી આપી છે કે પરિસ્થિતિ નિયંત્રણમાં છે.

ભૂકંપ પછી લોકો સોશિયલ મીડિયા પર પોતાની પ્રતિક્રિયાઓ આપી રહ્યા છે. ઘણા લોકોએ પોતાના અનુભવો શેર કર્યા અને કહ્યું કે ભૂકંપ ખૂબ જ જોરદાર હતા અને તેઓ ડરી ગયા હતા.

કેટલાક લોકોએ એમ પણ કહ્યું કે ભૂકંપને કારણે તેમના ઘરોમાં રાખેલી વસ્તુઓ ધ્રુજવા લાગી. નવી દિલ્હી રેલ્વે સ્ટેશન પર પોતાની ટ્રેનની રાહ જોઈ રહેલા એક મુસાફરે કહ્યું, "હું વેઇટિંગ લોન્જમાં હતો. બધા ત્યાંથી ભાગી ગયા. એવું લાગ્યું કે જાણે કોઈ પુલ તૂટી પડ્યો હોય..."