વિદેશ મંત્રી બન્યા બાદ કેટલી વધી એસ જયશંકર અને તેમના પત્નીની સંપત્તિ?

S Jaishankar Assets: ભારતના વિદેશ મંત્રી એસ જયશંકર, કે જેઓ પોતાની બોલવાની આગવી શૈલી માટે પાકિસ્તાન સહિત દુનિયાભરમાં પસંદ કરવામાં આવે છે તેઓ હાલમાં ફરી એકવાર ચર્ચામાં છે. જયશંકર તાજેતરમાં તાન્ઝાનિયાના પ્રવાસ પરથી પરત ફર્યા છે અને ટૂંક સમયમાં ઇન્ડોનેશિયા અને થાઇલેન્ડની મુલાકાત લેશે.

આ દરમિયાન, ડૉ. એસ. જયશંકર સોમવારે રાજ્યસભાની ચૂંટણી માટે ઉમેદવારી નોંધાવવા ગુજરાત પહોંચ્યા હતા. જ્યાં તેમણે ગુજરાતના મુખ્યમંત્રી ભૂપેન્દ્ર પટેલની હાજરીમાં ગાંધીનગરમાં ઉમેદવારી નોંધાવી હતી.

તમને જણાવી દઈએ કે 24 જુલાઈના રોજ ગોવા, ગુજરાત અને પશ્ચિમ બંગાળમાં રાજ્યસભાની 10 બેઠકો પર ચૂંટણી યોજાવાની છે. કારણ કે આ તમામ 10 રાજ્યસભા સાંસદો જુલાઈ અને ઓગસ્ટમાં નિવૃત્ત થવા જઈ રહ્યા છે. આ દરમિયાન, વિદેશ મંત્રી એસ જયશંકર દ્વારા દાખલ કરવામાં આવેલા ઘોષણા અનુસાર 4 વર્ષમાં તેમની અને તેમની પત્નીની સંપત્તિ કેટલી વધી છે. તેની વિગતો આપવામાં આવી છે.

રાજ્યસભાના એફિડેવિટ મુજબ, રાજ્યસભાના સાંસદ તરીકે એસ જયશંકર અને તેમની પત્ની ક્યોકો સોમેકાવાની સંપત્તિમાં આ 4 વર્ષમાં 29.4 ટકાનો વધારો થયો છે એમ ધ ઈન્ડિયન એક્સપ્રેસના અહેવાલમાં જણાવાયું છે.

2019માં રાજ્યસભાની ચૂંટણી દરમિયાન, ભાજપના નેતાએ ચૂંટણી પંચને તેમના નામાંકન પત્રમાં આપવામાં આવેલી સંપત્તિની વિગતો અનુસાર 15.52 કરોડ રૂપિયાની વ્યક્તિગત સંપત્તિ જાહેર કરી હતી. જેમાં તેણે આવકના પ્રથમ સ્ત્રોત તરીકે પગાર અને ભાડાની આવક જણાવી હતી.

હવે દાખલ કરવામાં આવેલ એફિડેવિટમાં મંત્રીએ રૂ. 20.09 કરોડની સંપત્તિ જાહેર કરી છે, જેમાં દિલ્હીમાં બે મકાનો (નવા એપાર્ટમેન્ટ સહિત) અને શિમલામાં 1.5 એકર ખેતીની જમીનનો સમાવેશ થાય છે. તેમની પત્ની કોયોકો સોમેકાવા, જયશંકર દિલ્હી ઇન્ટરનેશનલ એરપોર્ટ અને જીએમઆર હૈદરાબાદ એરપોર્ટ માટે સલાહકાર છે, રિપોર્ટ મુજબ તે મુખ્યત્વે કન્સલ્ટન્સી ફીમાંથી કમાણી કરે છે. આ સિવાય તેમના પર 1.12 લાખ રૂપિયાનો GST બાકી છે.

આ સાથે જ જયશંકરની જ્વેલરી અને વિદેશમાં જમા નાણાંમાં પણ વધારો થયો છે. સ્થાયી સંપત્તિની ખરીદી ઉપરાંત, સિંગાપોર, ટોક્યો અને વૉશિંગ્ટન ડીસી સહિતની વિદેશી બેંકોમાં જ્વેલરી અને થાપણોના મૂલ્યમાં પણ વધારો થયો છે. જો કે, તેમની પત્નીની વિદેશી થાપણો 2023માં રૂ. 29.12 લાખથી ઘટીને રૂ. 24.46 લાખ થઈ હતી. તેમની પત્નીની વૉશિંગ્ટન ડીસી અને ટોક્યોની બેંકોમાં થાપણો છે.

એફિડેવિટ દર્શાવે છે કે જયશંકર અને તેમના જીવનસાથી દ્વારા આપવામાં આવેલી વ્યક્તિગત લોન અથવા એડવાન્સની રકમ 2019માં 5.25 કરોડ રૂપિયાથી ઘટીને આ વર્ષે 18.48 લાખ રૂપિયા થઈ ગઈ છે. મંત્રીની કેશ ઇન હેન્ડ પણ ચાર વર્ષ પહેલા 1.2 લાખ રૂપિયા હતી તે ઘટીને 80,000 રૂપિયા થઈ ગઈ છે.

તમને જણાવી દઈએ કે વર્ષ 2019માં ગુજરાતમાંથી રાજ્યસભાના સાંસદ તરીકે ચૂંટાયા પહેલા વિદેશ મંત્રી એસ. જયશંકર IFS અધિકારી હતા. તેમને ચીનમાં ભારતના સૌથી લાંબા સમય સુધી રાજદૂત રહેવાનો અનુભવ છે. હિન્દી, અંગ્રેજી, તમિલ, રશિયન, જાપાનીઝ અને હંગેરિયન જેવી 6 ભાષાઓના જાણકાર, જયશંકર આંતરરાષ્ટ્રીય સંબંધોમાં પીએચડી અને એમફિલની ડિગ્રી ધરાવે છે. તેમણે 24 વર્ષની ઉંમરે IFS બનવાનું નક્કી કર્યું. તેમની રશિયન અને મધ્ય એશિયાના રાજકારણ પર ખૂબ જ સારી પકડ છે.

English summary

External Affairs Minister S Jaishankar and his wife wealth increase in 4 years, Know details here.