આજે ભારત આવશે વિશ્વનું સૌથી મોટું યાત્રી વિમાન

Updated: Friday, May 30, 2014, 12:38 [IST]

નવી દિલ્હી, 30 મેઃ દિલ્હીમાં આજે આવી રહ્યું છે, ‘મહાજંબો' વિશ્વનું સૌથી મોટું યાત્રી વિમાન એરબસ 380. રાત્રે અંદાજે 8 વાગ્યે સિંગાપોર એરલાઇન્સનું એરબસ 380 દિલ્હી એરપોર્ટના ટર્મિનલ-થ્રી પર ઉતરશે. 560 ટન વજન અને સાત માળ જેટલું ઉંચા આ વિમાનના સ્વાગતમાં શાનદાર તૈયારીઓ કરવામાં આવી છે.

વિશ્વના સૌથી મોટા યાત્રી વિમાન એરબસ 380, સાત વર્ષની લાંબી પ્રતિક્ષા બાદ આખરે ભારતના લોકોને પણ આ વિમાનમાં ઉડાન ભરવાની તક મળશે. સિંગાપોર એરલાઇન્સ દિલ્હી અને મુંબઇથી પોતાની ઉડાનોમાં સુપરજંબોને લગાવવા જઇ રહ્યું છે.

આ પહેલા એરબસ 380 એક જ વાર આપણા દેશમાં લાવવામાં આવ્યું હતું અને એ પણ માત્ર પ્રદર્શિત કરવા માટે. હવે તમે દિલ્હી-મુંબઇથી ટિકિટ ખરીદીને તેમાં મુસાફરી કરી શકો છો. અમુક મહિનાઓ પૂર્વે કેન્દ્ર સરકારે દેશના 4 મોટા એરપોર્ટ પર એ 380ને ઉતરવાની અને ઉડાન ભરવાની પરવાનગી આપી હતી, જેમાં દિલ્હી, મુંબઇ, બેંગ્લોર અને હૈદરાબાદ છે. આ ચાર એરપોર્ટ પર એક સાથે મોટી માત્રામાં યાત્રીઓને સંભાળવાની સુવિધા છે. પરવાનગી આપવામાં આવ્યા બાદ આ પહેલી તક મળતા સિંગાપોર એરલાઇન્સે ઓસ્ટ્રેલિયા રૂટ પર લાગનારા વિમાનોને દિલ્હી-મુંબઇ રૂટ પર લગાવી દીધા. તો ચાલો તસવીરો થકી જાણી એ380ની કેટલીક સુવિધાઓને.