ભારે હિમ વર્ષાઃ દેશથી વિખૂટુ પડ્યુ કાશ્મીર

શ્રીનગર, 1 જાન્યુઆરીઃ કાશ્મીર ઘાટીમાં ભારે હિમવર્ષાથી શ્રીનગર-જમ્મુ રાષ્ટ્રીય હાઇવે બંધ કરવો પડ્યો છે, જેનાથી તે દેશથી વિખૂટુ પડી ગયુ છે અને અહીં આવન-જાવનની તમામ ઉડાનો રદ કરવામાં આવી છે. વહેલી સવારથી થયેલી હિમ વર્ષાના કારણે ઘાટીમાં સામાન્ય જનજીવન પ્રભાવિત થયુ અને અધિકારીઓએ સાવધાનીના ભાગરૂપે અનેક વિસ્તારોની વિજળી કાપી નાંખી છે.

અધિકારીઓએ કહ્યુ છે કે, તાજી હિમવર્ષાથી ઘાટીના નિવાસીઓએ શીતલહેરથી રાહત મળી છે અને નવ વર્ષ પર આવનારા પર્યટકના ચહેરા ખીલી ગયા છે. હિમ વર્ષાના કારણે અનેક રસ્તાઓ બંધ થઇ ગયા છે, જેમાં 300 કિમી લાંબો શ્રીનગર-જમ્મુ રાષ્ટ્રીય રાજમાર્ગ સામેલ છે. આ એકમાત્ર રસ્તો છે જે દેશ સાથે કાશ્મીરને જોડે છે.

યાતાયાત વિભાગના પ્રવક્તાએ કહ્યું છે કે, આજે બપોર સુધી કાશ્મીર ઘાટીના ગેટવે જવાહર સુરંગની આસપાસ બે ફૂટ કરતા વધુ બરફ જમા થઇ ગઇ છે. તેમણે કહ્યું કે હિમ વર્ષા ચાલુ છે, જેના કારણે બીઆરઓ દ્વારા રસ્તાઓ સાફ કરવાના કામમાં વિઘ્ન આવી રહ્યાં છે.

પ્રવક્તાએ કહ્યું કે, હવામાન ઠીક હોવાના કારણે રસ્તાને આવન-જાવન યોગ્ય બનાવવા માટે ફરીથી પ્રયાસ કરવામાં આવશે. તેમણે કહ્યું કે ભારે હિમવર્ષાના કારણે ઘાટીના અનેક દૂરવર્તી વિસ્તારો મુખ્ય ભૂમિથી કટ થઇ ગયા છે. છ ઇંચથી ત્રણ ફૂટ સુધી હિમ વર્ષા થઇ છે.

English summary

Kashmir Valley was on Tuesday cut off from the rest of the country as heavy snowfall forced closure of arterial Srinagar-Jammu national highway and led to the cancellation of all flights going in and out of the summer capital.