'ભ્રષ્ટાચારના ફેવિકોલથી ચીપકેલા છે નીતિશ અને કોંગ્રેસ'

By Super

Updated: Tuesday, February 10, 2015, 11:54 [IST]

નવી દિલ્હી, 20 જૂનઃ ભાજપ સાથે સંબંધો તોડીને નીતિશે વિધાનસભામાં પોતાનો વિશ્વાસ મત સહેલાયથી હાંસલ કરી લીધો. 122 ધારાસભ્યો સાથે નીતિશને કોંગ્રેસના 4 ધારાસભ્યો અને 4 અપક્ષોનો સાથ મળ્યો અને તેઓ 126ના આંકે પહોંચી ગયા. ભાજપનો સાથ છોડીને કોંગ્રેસ તરફ આગળ વધી રહેલા નીતિશના પગલાથી જેડીયુના જૂના સાથી રહેલું ભાજપ આકરાપાણીએ છે.

ભાજપે કોંગ્રેસ અને જેડીયુ વચ્ચેની નીકટતાને ભ્રષ્ટાચાર સાથે જોડી દીધું છે. કોંગ્રેસના સમર્થનથી બિહાર વિધાનસભામાં નીતિશ કુમારે વિશ્વાસ મત હાંસલ કરતા જ ભાજપે પ્રહારો કર્યા છે. ભાજપે નીતિશ પર પોતાનો અસલી રંગ દર્શાવવાનો આરોપ મુક્યો છે.

ભાજપે કહ્યું કે કોંગ્રેસ અને જેડીયુ ભ્રષ્ટાચારની ગોદમાં એકબીજા સાથે જોડાઇ ગયા છે. પાર્ટી પ્રવક્તા મીનાક્ષી લેખીએ કહ્યું કે કોંગ્રેસ વિરુદ્ધ ચૂંટણી લડ્યા બાદ જેડીયુએ પોતાનો અસલી રંગ બતાવી દીધો છે. ભાજપે પોતાના પૂર્વ સહયોગી દળ પર કોંગ્રેસના ષડયંત્રનો ભાગ હોવાનો આરોપ મુક્યો છે. મીનાક્ષી લેખીએ અહી કહ્યું કે જેડીયુએ કોંગ્રેસના ષડયંત્રમાં સામેલ થઇને પોતાનો ચહેરો દર્શાવી દીધો છે.