પશ્ચિમ બંગાળથી કોંગ્રેસ માટે સારા સમાચાર, આ સીટ પર કોંગ્રેસ આગળ
ચૂંટણી પંચના આંકડા અનુસાર, પશ્ચિમ બંગાળની સાગરદિઘી વિધાનસભા સીટ પર કોંગ્રેસના ઉમેદવાર બાયરોન બિસ્વાસ હાલમાં 50167 મત સાથે સૌથી આગળ છે. તે બાકીના ઉમેદવારો કરતા આગળ ચાલી રહ્યા છે.
નવી દિલ્હી : ત્રણ રાજ્યોની ચૂંટણીમાં નિરાશા વચ્ચે કોંગ્રેસ માટે પશ્ચિમ બંગાળથી સારા સમાચાર છે. ત્રિપુરા, મેઘાલય અને નાગાલેન્ડમાં મતગણતરી થઈ રહી છે ત્યારે આ ત્રણેય રાજ્યોમાં કોંગ્રેસને સફળતા મળી નથી. મતગણતરી વચ્ચે પશ્ચિમ બંગાળની સાગરદિઘી બેઠકની પેટાચૂંટણીમાં કોંગ્રેસને લીડ મળી રહી છે.
ચૂંટણી પંચના આંકડા અનુસાર, પશ્ચિમ બંગાળની સાગરદિઘી વિધાનસભા સીટ પર કોંગ્રેસના ઉમેદવાર બાયરોન બિસ્વાસ હાલમાં 50167 મત સાથે સૌથી આગળ છે. તે બાકીના ઉમેદવારો કરતા આગળ ચાલી રહ્યા છે. આ સીટ પર તૃણમૂલ કોંગ્રેસના દેબાશીષ બેનર્જી બીજા નંબર પર છે અને તેમને 38385 વોટ મળ્યા છે. અહીં બીજેપી ઉમેદવાર અહીં ત્રીજા નંબરે છે.
ભાજપના ઉમેદવાર દિલીપ શાહને અહીં 16934 મત મળ્યા છે. આ સિવાય ભારતીય રાષ્ટ્રીય સમાજવાદી દળના કલીમુદ્દીન એસકેને આ બેઠક પર માત્ર 290 મત મળ્યા છે. આ સિવાય આ જ બેઠક પરથી આમરા બંગાળી પાર્ટીના ડૉ. ધનંજય બેનર્જીને 111 મત મળ્યા છે.
આ સિવાયના અન્ય ઉમેદવારોની વાત કરીએ તો, સોશિયલ ડેમોક્રેટિક પાર્ટી ઓફ ઈન્ડિયાના મોનિરુઝમાનને 229 વોટ, ભારતીય ન્યાય અધિકાર રક્ષા પાર્ટીના રવિન્દ્ર કુમાર પંડિતને 208 વોટ અને અપક્ષ ઉમેદવાર અરવિંદ ચૌધરીને 464 વોટ તેમજ અન્યઅપક્ષ ઉમેદવાર માણિક ફૂલમણિને 531 વોટ મળ્યા છે. આ સાથે NOTAમાં 480 વોટ ગયા છે.
Click it and Unblock the Notifications
Sign in with Google
