રાજસ્થાન સરકારની મોટી જાહેરાત, 19 નવા જિલ્લા અને 3 નવા વિભાગો બનશે
રાજસ્થાનમાં છેલ્લા કેટલાક વર્ષોથી સતત નવા જિલ્લા બનાવવા માટે માંગણી થતી રહી છે ત્યારે હવે અશોક ગેહલોત સરકારે આ માંગણીને પુરી કરી દીધી છે. રાજસ્થાન સરકારે રાજ્યમાં 19 નવા જિલ્લાઓ અને 3 વિભાગોની રચના કરવાની જાહેરાત કરી છે.
જયપુર : રાજસ્થાનમાં છેલ્લા કેટલાક વર્ષોથી સતત નવા જિલ્લા બનાવવા માટે માંગણી થતી રહી છે ત્યારે હવે અશોક ગેહલોત સરકારે આ માંગણીને પુરી કરી દીધી છે. રાજસ્થાન સરકારે રાજ્યમાં 19 નવા જિલ્લાઓ અને 3 વિભાગોની રચના કરવાની જાહેરાત કરી છે. આ જિલ્લાઓ અસ્તિત્વમાં આવતા રાજસ્થાનમાં કુલ જિલ્લાઓની સંખ્યા 33 થી વધીને 50 થઈ જશે અને વિભાગોની સંખ્યા 7 થી વધીને 10 થઈ જશે.
મુખ્યમંત્રી અશોક ગેહલોતે રાજસ્થાન વિધાનસભામાં ત્રીજા તબક્કાનું બજેટ 2023 પસાર કર્યું. આ દરમિયાન 19 નવા જિલ્લાઓ અને 3 વિભાગો સહિત ઘણી જાહેરાતો કરવામાં આવી. અશોક ગેહલોતે કહ્યું કે, અમને રાજસ્થાનમાં કેટલાક નવા જિલ્લાઓની રચના માટે માંગણીઓ મળી હતી. જેના પર દરખાસ્તોની તપાસ કરવા માટે રામલુભાયા સમિતિની રચના કરવામાં આવી હતી. સમિતિના અંતિમ અહેવાલના આધારે નવા જિલ્લા અને વિભાગોની જાહેરાત કરવામાં આવી છે.
રાજસ્થાનમાં 19 નવા જિલ્લાઓ અને 3 નવા વિભાગોની રચના સાથે રાજ્યની ભૂગોળ બદલાઈ જશે. હવે જિલ્લા મુખ્યાલયથી 19 સ્થળોનું અંતર ઘટી જશે. અત્યાર સુધી આ જગ્યા સબડિવિઝન અને તહસીલ મુખ્યાલય હતા અને હવે જિલ્લા બની ગયા છે. રાજસ્થાનમાં વર્ષના અંત સુધીમાં વિધાનસભાની ચૂંટણી પણ યોજાવાની છે. જિલ્લાઓની માંગ ઘણા સમયથી કરવામાં આવી રહી છે. સીએમ અશોક ગેહલોતે 19 જિલ્લાની જાહેરાત કરીને મોટો રાજકીય દાવ ખેલ્યો છે. હવે એ જોવાનું રસપ્રદ રહેશે કે આ જિલ્લાઓની જાહેરાતના આધારે રાજસ્થાન વિધાનસભા ચૂંટણી 2023માં કોંગ્રેસ સરકાર સત્તામાં પરત ફરે છે કે કેમ?
Click it and Unblock the Notifications
Sign in with Google
