haryana assembly election 2024: કોંગ્રેસના ગઢમાં PM મોદી પાડી શકશે ગાબડું? ગોહનામાં યોજી રેલી
Haryana Assembly Election 2024: હરિયાણા વિધાનસભા ચૂંટણી માટે પ્રચાર પૂરજોશમાં ચાલી રહ્યો છે. હરિયાણામાં આમ આદમી પાર્ટી, ભારતીય જનતા પાર્ટી અને કોંગ્રેસ વચ્ચે ત્રિપાંખીયો જંગ જોવા મળી રહ્યો છે.
આમ આદમી પાર્ટી તમામ બેઠકો પર ચૂંટણી લડી રહી છે. જેનો ફાયદો ભારતીય જનતા પાર્ટીને થશે તેવી ચર્ચાઓ થઈ રહી છે. કોંગ્રેસના દિગ્ગજ નેતાઓ હરિયાણામાં ચૂંટણી પ્રચાર કરી રહ્યા છે. હરિયાણા વિધાનસભા ચૂંટણી 2024ની તૈયારીઓ પૂરજોશમાં ચાલી રહી છે.
હરિયાણાની તમામ 90 બેઠકો પર 5 ઓક્ટોબરના રોજ એક જ તબક્કામાં મતદાન થશે. જેનું પરિણામ 8 ઓક્ટોબરના રોજ મતગણતરી બાદ જાહેર થશે.
આ વચ્ચે ભારતીય જનતા પાર્ટીના દિગ્ગજ નોતાઓ હરિયાણામાં ચૂંટણી કરી રહ્યા છે. જેમાં વડાપ્રધાન નરેન્દ્ર મોદી કોંગ્રેસના ગઢ ગોહાનામાં એક રેલીનું આયોજન કરવા જઈ રહ્યા છે.
બુધવાર, 25 સપ્ટેમ્બરના રોજ, વડાપ્રધાન નરેન્દ્ર મોદી સવારે 11 કલાકે સોનીપત જિલ્લાના ગોહાનામાં એક ચૂંટણી રેલીને સંબોધિત કરી રહ્યા છે.
હરિયાણાના જાટલેન્ડ ગોહાના મતવિસ્તારમાં વડાપ્રધાન મોદીની ચૂંટણી રેલી અને કોંગ્રેસનો આ ગઢ ઘણી રીતે ખાસ છે. ગોહાના રેલી દ્વારા વડાપ્રધાન મોદી સોનીપત, રોહતક અને પાણીપત જિલ્લામાં 22 સીટો જીતશે.
વડાપ્રધાન મોદીની જન આશીર્વાદ રેલી માટે ગોહાનામાં વિશાળ પંડાલ બનાવવામાં આવ્યો છે. લગભગ 25 એકરમાં બનેલા પંડાલમાં 22 હજાર લોકો માટે બેસવાની વ્યવસ્થા કરવામાં આવી છે. સમગ્ર રેલી સ્થળ પર ચુસ્ત સુરક્ષા વ્યવસ્થા ગોઠવવામાં આવી છે.
PM મોદીની ગોહાના ચૂંટણી રેલીમાં 10 DCP ઉપરાંત 30 થી વધુ ACP, 100 ઈન્સ્પેક્ટર, 1500 પોલીસકર્મીઓ સુરક્ષા વ્યવસ્થા સંભાળી રહ્યા છે.
રેલીમાં સોનીપતની 9, રોહતકની 9 અને કરનાલ લોકસભા બેઠકની 4 વિધાનસભા બેઠકોના ઉમેદવારો ભાગ લઈ રહ્યા છે.
ગોહાનામાં ભાજપ આજ સુધી જીતી શક્યું નથી. હરિયાણા વિધાનસભા ચૂંટણી 2024માં વડાપ્રધાન મોદીની મુલાકાતને કારણે ભાજપ અહીં પોતાનું ખાતું ખોલે તેવી અપેક્ષા છે.
ગોહાનામાં આ રેલી દ્વારા વડાપ્રધાન મોદી જાટ, ઓબીસી, બ્રાહ્મણ અને શીખ મતદારોને આકર્ષવાનો પ્રયાસ કરી રહ્યા છે.
કોંગ્રેસના જગબીર મલિક છેલ્લી ત્રણ ચૂંટણીઓથી ગોહાના બેઠક પરથી જીતી રહ્યા છે. આ વખતે પણ તેઓ જીત સુનિશ્ચિત કરવા માટે રાજકીય મેદાનમાં છે.
2005માં INLDએ આ બેઠક જીતી હતી, પરંતુ ત્યારપછી કોંગ્રેસને અહીં કોઈ હરાવી શક્યું નથી.
Click it and Unblock the Notifications
Sign in with Google
