સ્વતંત્રતા દિવસ પર 215 પોલિસકર્મીઓને વીરતા પુરસ્કાર

કેન્દ્રીય ગૃહ મંત્રાલયે એ પોલિસકર્મીઓના નામોની યાદી જાહેર કરી દીધી છે જેમને આ વર્ષે સ્વતંત્રતા દિવસ 2020 પર સમ્માનિત કરવામાં આવશે. ગૃહ મંત્રાલય તરફથી જણાવવામાં આવ્યુ છે કે આ વર્ષે કુલ 215 પોલિસકર્મીઓને વીરતા સેવા માટે પોલિસ પદક(પીએમજી) આપવામાં આવશે. 80 પોલિસકર્મીઓને વિશિષ્ટ સેવા માટે રાષ્ટ્રપતિ પોલિસ મેડલ (પીપીએમ) આપવામાં આવશે. 631 પોલિસકર્મીઓને મેઘાવી સેવાઓ માટે પોલિસ પદકથી સમ્માનિત કરવામાં આવશે.

સ્વતંત્રતા દિવસ પર આ વર્ષે કુલ 926 પોલિસકર્મીઓને પુરસ્કાર આપવામાં આવશે. જમ્મુ કાશ્મીર પોલિસના 94 જવાનોને પુરસ્કાર આપવામાં આવશે. આમાંથી 81 પોલિસકર્મીઓને વીરતા પુરસ્કાર આપવામાં આવશે. આ લિસ્ટમાં ઉત્તર પ્રદેશના 23 પોલિસકર્મીઓને વીરતા, 6ને રાષ્ટ્રપતિ પદક અને 73ને પોલિસ મેડલ આપવામાં આવશે.

આ વર્ષે દિલ્લીના 35, અસમના 21, મધ્ય પ્રદેશના 20, આંધ્ર પ્રદેશના 16, છત્તીસગઢના 14, ગુજરાતના 19, હરિયાણાના 12, ઝારખંડના 24, કર્ણાટકના 19, હિમાચલ પ્રદેશના 4, કેરળના 6, પુડુચેરીના એક પોલિસકર્મીને સમ્માનિત કરવામાં આવશે. ભારત-તિબેટ સીમા પોલિસ(આઈટીબીપી) તરફથી કહેવામાં આવ્યુ છે કે તેમણે 21 જવાનોને વીરતા પદક અને 294 ડીજી ગેલેંટ્રી કમેંડેશન મેડલ પોતાના કર્મીઓને આપવાની ભલામણ ગૃહ મંત્રાલયને કરી છે. આ ભલામણ ચીન સાથે મે-જૂનમાં ઝડપ દરમિયાન સાહસ અને બહાદૂરી બતાવવા માટે કરી છે.

English summary

Home ministry announces list of medal awardees to the police personnel on Independence Day 2020