BBC documentary controversy બાદ બીબીસી દિલ્હી ઓફિસમાં ઈન્કમટેક્સ વિભાગની રેડ, કર્મચારીઓના ફોન જપ્ત કરાયા

BBC documentary controversy : સમાચાર એજન્સી એએનઆઈએ સૂત્રોને ટાંકીને જણાવ્યું હતું કે, દિલ્હીમાં બ્રિટિશ બ્રોડકાસ્ટિંગ કોર્પોરેશન (બીબીસી) ઓફિસમાં આઈટી સર્વે ચાલી રહ્યો છે.

BBC documentary controversy : તાજેતરમાં બીબીસી દ્વારા જાહેર કરવામાં આવેલી વિવાદાસ્પદ ડોક્યુમેન્ટરી બનાવવાને કારણે ચર્ચામાં આવેલી BBCની દિલ્હી ઓફિસ પર આવકવેરા વિભાગ દ્વારા રેડ કરવામાં આવી છે.

સમાચાર એજન્સી એએનઆઈએ સૂત્રોને ટાંકીને જણાવ્યું હતું કે, દિલ્હીમાં બ્રિટિશ બ્રોડકાસ્ટિંગ કોર્પોરેશન (બીબીસી) ઓફિસમાં આઈટી સર્વે ચાલી રહ્યો છે. સૂત્રોના જણાવ્યા અનુસાર કર્મચારીઓના ફોન જપ્ત કરી લેવામાં આવ્યા છે. આ સાથે કર્મચારીઓને પણ ઓફિસ છોડીને વહેલા ઘરે જવા માટે પણ કહેવામાં આવ્યું છે.

કેજી માર્ગ પર સ્થિત બીબીસીની ઓફિસમાં આવકવેરા વિભાગની કાર્યવાહી ચાલી રહી છે. આ સાથે જ આવકવેરા વિભાગની દિલ્હીની ટીમ મુંબઈના બાંદ્રા-કુર્લા કોમ્પ્લેક્સ (BKC) વિસ્તારમાં બીબીસી પરિસર પર પણ નજર રાખી રહી છે. ઈન્કમટેક્સ વિભાગ આંતરરાષ્ટ્રીય કરવેરા અને ટ્રાન્સફર પ્રાઈસિંગમાં ઇરરેગ્યુરાલિટીના આરોપોને લઈને બીબીસી પરિસરમાં સર્ચ કરી રહ્યું છે.

पहले BBC की डॉक्यूमेंट्री आई, उसे बैन किया गया।

अब BBC पर IT का छापा पड़ गया है।

अघोषित आपातकाल

— Congress (@INCIndia) February 14, 2023

કોંગ્રેસે બીબીસી ઓફિસમાં થઈ રહેલી કાર્યવાહીને લઈને કેન્દ્ર સરકાર પર કટાક્ષ કર્યો છે. બીબીસી પરિસરમાં આઈટી વિભાગ દ્વારા રેડ કરવા અંગે કોંગ્રેસે ટ્વીટ કર્યું કે, પહેલા બીબીસી ડોક્યુમેન્ટરી આવી, તેના પર પ્રતિબંધ મૂકાયો. હવે બીબીસી પર આઈટી વિભાગની રેડ. અઘોષિત ઈમરજન્સી.

English summary

Income Tax raid in Delhi office After BBC documentary controversy