IND vs SA: દક્ષિણ આફ્રિકા પ્રવાસ પહેલા ભારતને ઝાટકો, રોહિત શર્મા ટેસ્ટ શ્રેણીમાંથી બહાર!
ભારત અને દક્ષિણ આફ્રિકા વચ્ચે 26 ડિસેમ્બરથી શરૂ થઈ રહેલી 3 મેચની ટેસ્ટ શ્રેણી પહેલા વિરાટ કોહલીની આગેવાની હેઠળની ભારતીય ટીમને મોટો ઝટકો લાગ્યો છે.
નવી દિલ્હી : ભારત અને દક્ષિણ આફ્રિકા વચ્ચે 26 ડિસેમ્બરથી શરૂ થઈ રહેલી 3 મેચની ટેસ્ટ શ્રેણી પહેલા વિરાટ કોહલીની આગેવાની હેઠળની ભારતીય ટીમને મોટો ઝટકો લાગ્યો છે. ક્રિકબઝના અહેવાલ મુજબ આ પ્રવાસ માટે ટેસ્ટ ફોર્મેટમાં ઉપ-કેપ્ટન રોહિત શર્મા ઈજાના કારણે દક્ષિણ આફ્રિકાના પ્રવાસમાંથી બહાર થઈ ગયો છે અને હવે તે ટેસ્ટ શ્રેણીનો ભાગ રહેશે નહીં. બીજી તરફ રોહિત શર્માના સ્થાને અનકેપ્ડ બેટ્સમેન પ્રિયાંક પંચાલને લેવામાં આવ્યો છે, જેણે ભારત-Aની જવાબદારી સંભાળતી વખતે તાજેતરમાં સમાપ્ત થયેલી દક્ષિણ આફ્રિકા-A સામે ત્રણ મેચની શ્રેણી રમી હતી.
પસંદગીકારોએ રોહિત શર્માના સ્થાને ઓપનર તરીકે પ્રિયાંક પંચાલનો સમાવેશ કર્યો છે, જો કે વાઇસ-કેપ્ટન અંગે કોઈ તાત્કાલિક નિર્ણય લેવામાં આવ્યો નથી. રિપોર્ટ અનુસાર, રવિવારે (12 ડિસેમ્બર) દક્ષિણ આફ્રિકા જઈ રહેલી ભારતીય ટેસ્ટ ટીમના તમામ ખેલાડીઓ મુંબઈમાં બનેલા બાયો બબલમાં એકઠા થવાના હતા, જ્યાં ટીમ 4 દિવસના ક્વોરેન્ટાઈન પછી 16 ડિસેમ્બરે રવાના થશે. જો કે, બાયોબબલમાં પ્રવેશતા પહેલા રોહિત શર્મા બાંદ્રાના કુર્લા કોમ્પ્લેક્સમાં ખેલાડીઓ સાથે પ્રેક્ટિસ સેશનમાં ભાગ લઈ રહ્યો હતો.
રોહિત શર્માને આ ઈજા આ પ્રેક્ટિસ સેશન દરમિયાન જ થઈ હતી. હાલમાં તે 3 મેચની ODI શ્રેણી માટે દક્ષિણ આફ્રિકાનો પ્રવાસ કરી શકશે કે નહીં તે અંગે કોઈ ચોક્કસ સમાચાર નથી. નોંધનીય છે કે તાજેતરમાં જ જ્યારે ભારતીય પસંદગી સમિતિએ ટેસ્ટ ટીમની જાહેરાત કરી હતી ત્યારે તેણે રોહિત શર્માને વનડે ફોર્મેટની કપ્તાની સોંપવાની પણ પુષ્ટિ કરી હતી. રિપોર્ટ અનુસાર રોહિત શર્માની આ ઈજા વધારે ગંભીર છે.
નોંધનીય છે કે બીસીસીઆઈ ટૂંક સમયમાં ટીમમાં ફેરફાર અને રોહિતના બહાર થવાની જાહેરાત કરી શકે છે, જો કે ક્રિકબઝે રોહિત શર્માને ટેસ્ટ શ્રેણીમાંથી બાકાત રાખવાની પુષ્ટિ કરી છે. અગાઉ રોહિત શર્માને વર્કલોડ મેનેજમેન્ટના ભાગરૂપે ન્યુઝીલેન્ડ સામે રમાયેલી 2 મેચની ટેસ્ટ શ્રેણીમાંથી આરામ આપવામાં આવ્યો હતો.
તમને જણાવી દઈએ કે રોહિત શર્માના સ્થાને ટીમમાં સામેલ કરાયેલા ગુજરાતના ઓપનર પ્રિયંક પંચાલે સાઉથ આફ્રિકા પ્રવાસમાં 3 ઈનિંગમાં 40ની એવરેજથી 120 રન બનાવ્યા છે. આ દરમિયાન તેનો સર્વોચ્ચ સ્કોર 96 હતો. તેણે પોતાની કારકિર્દીમાં અત્યાર સુધી 100 ફર્સ્ટ ક્લાસ મેચ રમી છે અને 24 સદીની મદદથી 7011 રન બનાવ્યા છે. આ સમયગાળા દરમિયાન તેની એવરેજ 45.52 રહી છે.
Click it and Unblock the Notifications
Sign in with Google
