Vande Bharat Sleeper Train: નવા વર્ષમાં દેશને મળશે પહેલી વંદે ભારત સ્લીપર ટ્રેન, જાણો ભાડું અને રૂટ

Vande Bharat Sleeper Train: ભારતીય રેલવે પ્રવાસીઓ માટે મુસાફરીનો અનુભવ બદલવા જઈ રહી છે. અત્યાર સુધી માત્ર બેસીને મુસાફરી કરી શકાતી વંદે ભારત ટ્રેનમાં હવે મુસાફરો આરામથી સુતા-સુતા પ્રવાસ કરી શકશે. દેશની પ્રથમ વંદે ભારત સ્લીપર ટ્રેન ગુવાહાટીથી કોલકાતા (હાવડા) વચ્ચે દોડવા માટે તૈયાર છે. PM નરેન્દ્ર મોદી આગામી 17 કે 18 જાન્યુઆરી 2026ના રોજ આ હાઈ-સ્પીડ સ્લીપર ટ્રેનને લીલી ઝંડી આપી શકે છે.

કેવી હશે ટ્રેનની રચના?

આ ટ્રેનમાં કુલ 16 કોચ હશે, જે લાંબા અંતરની મુસાફરીને ધ્યાનમાં રાખીને ડિઝાઈન કરવામાં આવ્યા છે.

• થર્ડ એસી (3AC): 11 કોચ
• સેકન્ડ એસી (2AC): 4 કોચ
• ફર્સ્ટ એસી (1AC): 1 કોચ
• કુલ ક્ષમતા: 823 મુસાફરો એકસાથે સફર કરી શકશે.

ભાડાની વિગત (ખાવા સાથે)

રેલવે દ્વારા પ્રીમિયમ સુવિધાઓને ધ્યાનમાં રાખીને ભાડાના દરો જાહેર કરવામાં આવ્યા છે.

• First AC: ₹3,600
• Second AC: ₹3,000
• Third AC: ₹2,300

રૂટ અને ઝડપ

આ ટ્રેન ગુવાહાટીના કામાખ્યા સ્ટેશનથી ઉપડીને હાવડા પહોંચશે. રસ્તામાં તે મહત્વના 10 શહેરોને જોડશે. આ ટ્રેનની મહત્તમ ઝડપ 180 કિમી પ્રતિ કલાક હશે, જે ઉત્તર-પૂર્વ અને પૂર્વ ભારત વચ્ચેના મુસાફરીના સમયમાં ધરખમ ઘટાડો કરશે. તાજેતરમાં જ તેનું હાઈ-સ્પીડ ટ્રાયલ સફળતાપૂર્વક પૂર્ણ કરવામાં આવ્યું છે.

વંદે ભારત સ્લીપરની ખાસિયતો

• આધુનિક ઈન્ટિરિયર: ટ્રેનની અંદરનું ઈન્ટિરિયર લક્ઝરી હોટલ જેવું આધુનિક અને આરામદાયક છે.
• સ્માર્ટ વોશરૂમ: ટ્રેનમાં સેન્સર આધારિત નળ અને અત્યાધુનિક ક્લિનિંગ સિસ્ટમ ધરાવતા ટોયલેટ લગાવવામાં આવ્યા છે.
• ઇમરજન્સી સેફ્ટી: કોઈપણ આફતના સમયે મુસાફરો સીધા ટ્રેન મેનેજર કે પાયલોટ સાથે વાત કરી શકે તે માટે 'ઇમરજન્સી ટોક-બેક યુનિટ'ની સુવિધા આપવામાં આવી છે.
• બેટર રાઈડ ક્વોલિટી: ટ્રેનમાં આધુનિક બ્રેકિંગ સિસ્ટમ અને સ્ટેબિલિટી કંટ્રોલ છે, જેથી હાઈ સ્પીડ પર પણ મુસાફરોને ઝટકાનો અનુભવ ન થાય.

પ્રવાસન અને વેપારને વેગ મળશે

ઉત્તર-પૂર્વ ભારત માટે આ ટ્રેન એક ઐતિહાસિક સિદ્ધિ માનવામાં આવે છે. તેનાથી માત્ર કનેક્ટિવિટી જ નહીં વધે, પરંતુ પ્રવાસન અને વ્યાપારિક ગતિવિધિઓને પણ મોટું પ્રોત્સાહન મળશે.

English summary

India's first Vande Bharat Sleeper train to launch in Jan 2026 on Guwahati-Howrah route. Features 180 kmph speed, modern berths, and advanced safety. Check ticket prices here.